سوڭعى كۇندەرى مەگاپوليستە ىندەتتىڭ تارالۋى باسەڭ تارتقانداي بولعانىمەن, 9 مامىردا 570 ادامنىڭ جاڭادان ىندەت جۇقتىرعانى تىركەلدى, ونىڭ 467-ءسى سيمپتومدىق بەلگىلەرى بار, 103-ءى سيمپتومسىز, دەپ حابارلايدى Egemen.kz.
اۋرۋحانالاردان ەمدەلىپ شىعارىلعاندار سانى – 157 بولسا, ورنىنا كەلىپ تۇسكەنى – 225 ادام.
بارلىق ينفەكتسيالىق ستاتسيونارلاردا (6 060 توسەك-ورىن) 3 513 ناۋقاس ەمدەلىپ جاتسا, ونىڭ ىشىندە 108 بالا بار.
جالپى رەانيماتسيا جانە قارقىندى تەراپيا بولىمشەلەرىندە 222 سىرقات بار. ءوجج – 29, ءينۆازيۆتى ەمەس ءوجج – 68, High flow-دا 96 اپپارات جۇمىس ىستەپ تۇر.
وعان قوسا 4 480 ناۋقاس امبۋلاتوريالىق باقىلاۋدا, ونىڭ ىشىندە 3 889 ناۋقاستا جەڭىل جانە ورتاشا دارەجەدەگى سيمپتومدىق بەلگىلەرى بار جانە 591 سيمپتومسىز. سونداي-اق الماتى قالاسىندا ءبىر تاۋلىك ىشىندە 1 554 ادام ۆاكتسيناتسيا الدى. 01.02.2021-09.05.2021 جىل ارالىعىندا قالا بويىنشا بارلىعى 250 659 ادام ۆاكتسيناتسيالاندى.