قىرعىزستاندا تاعى ءبىر قىز ۇرلاندى. جابىرلەنۋشى 26 جاستاعى يزات كۋربانوۆا. ونىڭ تۋىستارى پوليتسياعا ارىز تۇسىرگەن, دەپ حابارلايدى,Egemen.kz Sputnik قىرعىزستانعا سىلتەمە جاساپ.
قىزدى بىشكەك ماڭىنداعى لەبەدينوۆكا اۋىلىنان ساعات شامامەن 23:00-دە بەلگىسىز بىرەۋلەر ۇرلاپ اكەتكەن. ۇرلاۋ ءساتى ۆيدەوعا ءتۇسىپ قالعان. يزاتتىڭ اپكەسى شامامەن 02:00-دە پوليتسياعا ارىز تۇسىرگەن. ول بەلگىسىز بىرەۋلەر Toyota Estima ماركالى اۆتوكولىگىنە قىزدى ماجبۇرلەپ وتىرعىزىپ, الىپ كەتكەنىن ايتقان.
ءىىبب وكىلدەرى سوتقا دەيىنگى ءىس جۇرگىزۋ باستالعانىن جانە كۇدىكتىنىڭ جەكە باسى انىقتالعانىن ايتتى. ونىڭ تۇرعىلىقتى جەرى انىقتالىپ, پوليتسيا قىزمەتكەرلەرى جىبەرىلگەن.
پوليتسيا قىزمەتكەرلەرى كەيىنىرەك تولىق اقپارات بەرۋگە ۋادە بەردى.
ايتا كەتەيىك, قىرعىزستاندا قىزدى نەكەگە تۇرۋ ماقساتىندا ۇرلاۋ قىلمىس بولىپ سانالادى.
بۇعان دەيىن 5 ساۋىردە ايزادا ەسىمدى قىزدى بىشكەكتە جۇمىسقا بارا جاتقان جولدا ۇرلاپ اكەتكەنى حابارلانعان بولاتىن.
2 كۇننەن كەيىن قىز بەن ونى ۇرلاعان ەر ادامنىڭ ءمايىتى تابىلدى.
ەر ادام ونى كيىمىمەن تۇنشىقتىرىپ, كەيىن ءوز-وزىنە قول سالعان. ءىس بويىنشا كۇدىكتىلەر ۇستالدى.
سونداي-اق قايتىس بولعانعا دەيىن قىزدىڭ زورلانعانى بەلگىلى بولدى.