قاراعاندىنىڭ ساران قالاسىندا جاسالعان اۆتوبۋستار پايدالانۋعا بەرىلدى

ولار بارلىق زاماناۋي تالاپتارعا جانە ەۆرو-5 ەكولوگيالىق كلاسىنا سايكەس كەلەدى. ارباعا تاڭىلعان مۇگەدەكتەرگە ارنالعان پاندۋستارمەن جانە الاڭشالارمەن, بالالى انالارعا ارنالعان ورىندارمەن جابدىقتالعان ءار اۆتوبۋستا وعان قوسا كونديتسيونەر دە ورناتىلعان. سىيىمدىلىعى – 51 ادام. «تاكسوكومبينات-1» جشس كولىك قۇرالدارىن «ونەركاسىپتى دامىتۋ قورى» اق-نان جەڭىلدىكتى ليزينگ باعدارلاماسىنىڭ ارقاسىندا ساتىپ الا الدى.

ءبىر اۆتوبۋستىڭ قۇنى 37 ملن تەڭگە. وسىلايشا تاسىمالداۋشى كومپانيا پاركى 25%-عا جاڭارتىلدى. اۆتوبۋستاردىڭ ورتاشا توزۋ جاسى 8-دەن 5 جاسقا دەيىن تومەندەدى. ء«بىرىنشى كەزەكتە اۆتوبۋستار №1 جانە 30 مارشرۋتتار بويىنشا جۇرەدى. سونداي-اق, ءبىز №7, 013, 28, 31 جەلىلەرگە قىزمەت كورسەتەمىز. اۆتوبۋستار ەلەكتروندى بيلەتتەۋ جۇيەسىنە دايىن, دەدى «تاكسوكومبينات-1» جشس ديرەكتورى الەكسەي پەن.