پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ەلدەگى سانيتارلىق-ەپيدەميولوگيالىق جاعداي قارالدى. دەنساۋلىق ساقتاۋ ءمينيسترى الەكسەي تسوي حالىقتى ۆاكتسيناتسيالاۋدىڭ قازىرگى جاعدايى مەن بارىسى تۋرالى باياندادى, دەپ حابارلايدى Egemen.kz.
الەمدە COVID-19 اۋرۋى مەن ءولىم-ءجىتىمى بويىنشا جاعداي شيەلەنىسە تۇسۋدە. بۇگىنگى تاڭدا الەمدە كۆي-ءدىڭ 148 ملن-نان استام جاعدايى تىركەلگەن, تاۋلىگىنە 600 مىڭنان استام جاعداي تىركەلۋدە. 3 ملن استام ادام قايتىس بولدى, ءولىم-ءجىتىم كورسەتكىشى 2,1% قۇرادى.
221 ەلدىڭ الەمدىك رەيتينگىنە سايكەس, قازاقستان سىرقاتتانۋشىلىق كورسەتكىشى بويىنشا 108-ورىندا, ال ءولىم-ءجىتىم كورسەتكىشى بويىنشا 107-ورىندا تۇر.
دەنساۋلىق ساقتاۋ ءمينيسترى حابارلاعانداي, قازاقستاندا 27 ساۋىردەگى جاعداي بويىنشا COVID-19 وڭ ناتيجەسىمەن 311 400 ناۋقاس جانە كۆي- جاعدايىمەن 52 471 ناۋقاس تىركەلگەن.
جوعارى ەپيدەميولوگيالىق تاۋەكەل ايماعىندا 10 ءوڭىر بار: نۇر-سۇلتان, الماتى قالالارى, اقمولا, اقتوبە, اتىراۋ, باتىس قازاقستان, قاراعاندى, قىزىلوردا, ماڭعىستاۋ جانە پاۆلودار وبلىستارى.
بۇگىنگى تاڭدا ورتا ەپيدەميولوگيالىق تاۋەكەل ايماعىندا 5 ءوڭىر بار: جامبىل, شىعىس قازاقستان, الماتى, قوستاناي وبلىستارى جانە شىمكەنت قالاسى.
«جاسىل ايماقتا» 2 ءوڭىر بار: تۇركىستان, سولتۇستىك قازاقستان وبلىستارى.
«سىرقاتتانۋشىلىقتىڭ اپتا سايىنعى ديناميكاسى ءوسۋ قارقىنىنىڭ ناۋرىز ايىنىڭ سوڭىنداعى 46%-دان وتكەن اپتاداعى 8%-عا دەيىن تومەندەۋىمەن سيپاتتالادى. سوڭعى اپتادا ءولىم-ءجىتىمنىڭ ءوسۋى الدىڭعى اپتاعا قاراعاندا 30%-دان 8%-عا دەيىن تومەندەدى. وڭىرلەردەگى ەپيدەميولوگيالىق جاعدايدى ەسكەرە وتىرىپ, وڭىرلەر شەكتەۋ شارالارىن تۇزەتۋدى جانە قابىلداۋدى جالعاستىرۋدا», دەدى ا. تسوي.
وڭىردەگى ءاربىر مەديتسينالىق ۇيىمىنىڭ دەڭگەيىنە دەيىن توسەك-ورىن قورىنىڭ جۇكتەمەسىنە مونيتورينگ جۇرگىزۋدىڭ ەلەكتروندىق جۇيەسىنە سايكەس, اعىمداعى جىلعى 27 ساۋىردەگى جاعداي بويىنشا رەسپۋبليكا بويىنشا ينفەكتسيالىق توسەك-ورىنداردىڭ بوس بولماۋى 41%, رەانيماتسيالىق توسەك-ورىنداردىڭ بوس بولماۋى 28% قۇرايدى.
ينفەكتسيالىق توسەك-ورىنداردىڭ ەڭ كوپ بوس بولماۋى قىزىلوردا وبلىسىندا — 58%, الماتى قالاسىندا — 57%, الماتى وبلىسىندا — 57%, نۇر-سۇلتان قالاسىندا — 56% بايقالدى.
«شامامەن 62 مىڭ توسەك-ورىندىق رەزەرۆتىك توسەك-ورىن قورى قۇرىلدى, ونىڭ 9 700-ءى تەك ينفەكتسيالىق توسەك-ورىن. بۇگىنگى تاڭدا رەزەرۆتىك قور 26 189 توسەك-ورىندى قۇرايدى, اقتوبە, قوستاناي وبلىستارى مەن شىمكەنت قالاسىن قوسپاعاندا, بارلىق وڭىرلەردەگى ينفەكتسيالىق ستاتسيونارلار, كوپبەيىندى اۋرۋحانالاردىڭ بولىمشەلەرى جۇمىلدىرىلعان. رەانيماتسيالىق توسەك-ورىنداردىڭ ەڭ كوپ بوس بولماۋى باتىس قازاقستان وبلىسىندا — 57%, الماتى قالاسىندا — 55% جانە نۇر-سۇلتان قالاسىندا — 54% بايقالدى», دەدى ۆەدومستۆو باسشىسى.
دەنساۋلىق ساقتاۋ ءمينيسترى اتاپ وتكەندەي, بۇگىنگى تاڭدا قر ازاماتتارىن ۆاكتسينالاۋ ەكى ۆاكتسينا — «سپۋتنيك V» جانە «QazCovid-in» ۆاكتسينالارى ارقىلى جۇزەگە اسىرىلادى.
«قازاقستان COVID-19 ۆاكتسيناسىن الەمدىك وندىرۋشىلەردىڭ 10-نا كىرگەنىن اتاپ وتكىم كەلەدى. 177 ەلدىڭ الەمدىك رەيتينگىنە سايكەس قازاقستان كوروناۆيرۋس ايماعىنا قارسى ۆاكتسيناتسيالانعانداردىڭ سانى بويىنشا 52-ورىندا تۇر. ۆاكتسينانى جەتكىزۋ كەستەگە سايكەس كەزەڭ-كەزەڭمەن جۇزەگە اسىرىلادى, بۇل ءساۋىر ايىندا ۆاكتسينالاۋعا جاتاتىن حالىقتىڭ 20%-نا ۆاكتسينانىڭ قولجەتىمدىلىگىن قامتاماسىز ەتۋگە مۇمكىندىك بەرەدى», دەدى ا. تسوي.
«اتامەكەن» ۇكپ, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن جانە جەرگىلىكتى اتقارۋشى ورگاندارمەن بىرلەسىپ, شەكتەۋ شارالارى مەن بيزنەس جۇمىسى اراسىنداعى تەڭگەرىمدى قامتاماسىز ەتۋ ماقساتىندا 2021 جىلعى قاڭتاردا نۇر-سۇلتان, الماتى, قاراعاندى قالالارىندا «Ashyq» ءموبيلدى قوسىمشاسىن ەنگىزۋ بويىنشا پيلوتتى ىسكە اسىرۋ باستالدى. 26 ساۋىردەن باستاپ جوبا بۇكىل ەل بويىنشا قولدانىلا باستادى.
«قازىرگى تاڭدا «Ashyq» كەلەسى كاسىپكەرلىك نىساندارىندا جۇزەگە اسىرىلۋدا: فيتنەس-كلۋبتار, سپا-ورتالىقتار, باسسەيندەر, بوۋلينگ, بيليارد جانە كومپيۋتەر كلۋبتارى, كينوتەاترلار, تەاترلار, كونتسەرت زالدارى, قوعامدىق تاماقتانۋ وبەكتىلەرى, وبلىسارالىق جانە قالالىق جۇيەسىز (تۋريستىك) تاسىمالدار. سونداي-اق, قىزمەتكەرلەردىڭ قاۋىپسىزدىگىن قامتاماسىز ەتۋ جانە COVID-19 تارالۋىن ازايتۋ ءۇشىن ء«Ashyq» موبيلدى قوسىمشاسىن ورناتۋدى كوزدەيتىن جەكەلەگەن قىزمەت سالالارىنىڭ «Ashyq»-قا جەڭىلدىكتەرسىز, ەرىكتى تۇردە قاتىسۋ قاراستىرىلعان», دەدى ا. تسوي.
«Ashyq» قاتىسۋشىلارى ءۇشىن وقىتۋ بەينەروليكتەرى, وبەكتىلەرگە QR-كودتاردى بەرۋ الگوريتمى ازىرلەندى. جوباعا جوسىقسىز قاتىسۋشىلاردىڭ ىقتيمال قوسىلۋ تاۋەكەلدەرىن ەسكەرە وتىرىپ, ولاردى الىپ تاستاۋ كريتەريلەرى انىقتالدى.
«قابىلدانىپ جاتقان شارالار كاسىپكەرلىك جانە (نەمەسە) وزگە دە قىزمەت وبەكتىلەرىنىڭ قىزمەتىن رەتتەۋگە, ادامدار كوپ جينالاتىن ورىندار بويىنشا شەكتەۋگە باعىتتالعان. 27 ساۋىردەگى جاعداي بويىنشا جوباعا قاتىسۋشىلاردىڭ جالپى سانى 1658 قۇرادى, قوسىمشانى پايدالانۋشىلار سانى 378 مىڭنان اسادى», دەدى ا. تسوي.
بارلىق وڭىرلەردە شەكتەۋ شارالارى ەپيدەميولوگيالىق جاعدايدى (جوعارى, ورتاشا جانە تومەن تاۋەكەل ايماقتارى) ەسكەرە وتىرىپ, سارالانعان تۇردە قابىلدانادى, ول ءۇشىن «اتامەكەن» ۇكپ-مەن بىرلەسىپ قابىلدانعان الەۋمەتتىك-ەكونوميكالىق وبەكتىلەر قىزمەتىنىڭ كريتەريلەرى قولدانىلادى. قازىرگى ۋاقىتتا قولدانىستاعى كريتەريلەر «Ashyq» جوباسى شەڭبەرىندە جۇمىس ىستەيتىن وبەكتىلەر ءۇشىن بەيىمدەلۋدە.
الماتى وبلىسىنىڭ اكىمى اماندىق باتالوۆ سوڭعى اپتادا كوروناۆيرۋسپەن اۋىراتىنداردىڭ ءوسۋ قارقىنى 1,2% قۇراعانىن, تاۋلىگىنە 264 جاعداي تىركەلگەنىن ايتتى. اۋرۋدىڭ ءوسۋى اۋرۋدى جۇقتىرعاندارمەن قارىم-قاتىناستا بولعان ادامداردى تەكسەرۋ ەسەبىنەن انىقتالۋدا. وبلىستا بارلىعى 20 490 كۆي جاعدايى تىركەلدى.
ء«بىر اپتا ىشىندە ينفەكتسيالىق بولىمشەلەرگە ەمدەۋگە جاتقىزىلعاندار سانىنىڭ 1,7 ەسەگە تومەندەۋ ءۇردىسى بايقالادى. بۇگىنگى تاڭدا ينفەكتسيالىق ستاتسيوناردىڭ جۇكتەمەسى 57%, رەانيماتسيالىق توسەك-ورىنداردىڭ جۇكتەمەسى 13% قۇرايدى. ءبىر تاۋلىك ىشىندە 195 ادام اۋرۋحاناعا جاتقىزىلسا, 203 ادام ەمدەلىپ شىقتى. كوۆيد-كە قارسى كۇرەس بويىنشا باسقا دا قابىلدانعان شارالارمەن قاتار, الگوريتمگە سايكەس وبلىستا حالىقتى ۆاكتسيناتسيالاۋ بويىنشا اۋقىمدى جۇمىستار جۇرگىزىلۋدە», دەدى ا. باتالوۆ.
وڭىردە 239 ەگۋ پۋنكتى, ونىڭ ىشىندە 80 جىلجىمالى پۋنكت اشىلدى (63 ءموبيلدى بريگادا, 17 جىلجىمالى مەديتسينالىق كەشەن). ۆاكتسينالاۋدىڭ كۇندەلىكتى جانە ايلىق كەستەلەرى جاسالدى. جىلجىمالى ۆاكتسينالاۋ پۋنكتتەرى شالعاي ەلدى مەكەندەردە, ساۋدا ۇيلەرىندە, قوعامدىق ورىنداردا جۇمىس ىستەيدى. ەڭبەك ۇجىمدارىن ۆاكتسينالاۋ ءۇشىن ءموبيلدى بريگادالار ۇيىمداستىرىلدى.
بۇگىنگى كۇنى 147 مىڭ دوزا ۆاكتسينا الىندى, 129,3 مىڭ ادام ەگىلدى. اي سوڭىنا دەيىن ۆاكتسينانىڭ قوسىمشا 70 مىڭ دوزاسى جەتكىزىلەدى دەپ كۇتىلۋدە. بارلىعى 1,1 ملن ادامدى ۆاكتسينالاۋمەن قامتۋ جوسپارلانىپ وتىر.
ءوز كەزەگىندە قاراعاندى وبلىسىنىڭ اكىمى جەڭىس قاسىمبەك پاندەميا باستالعاننان بەرى وڭىردە 22 486 جاعداي تىركەلگەنىن جەتكىزدى.
قازىرگى ۋاقىتتا قاراعاندى وبلىسى ەپيدەميولوگيالىق جاعدايدىڭ دامۋى بويىنشا قىزىل ايماققا كىرەدى. رەپرودۋكتيۆتى سانى 1,071 قۇرايدى. بۇگىنگى تاڭدا ستاتسيونارلاردا 1 498 ناۋقاس ەم الۋدا. اۋرۋحانالارداعى توسەك-ورىندار جۇكتەمەسى – 34,7%.
«ۆيرۋس جۇقتىرعانداردىڭ باسىم كوپشىلىگى وبلىس ورتالىعىندا تىركەلگەندىكتەن, قۋاتىن 1 654 ورىنعا دەيىن ۇلعايتا وتىرىپ, بۇرىن كونسەرۆاتسيالانعان گوسپيتالداردى ىسكە قوستىق. بۇعان قوسا, 500 توسەك-ورىن رەزەرۆتە تۇر», دەدى ج. قاسىمبەك.
وبلىستا كوروناۆيرۋسقا قارسى ۆاكتسينالاۋ ناۋقانى جالعاسۋدا. ارنايى توڭازىتقىش جابدىقتارىمەن جاراقتالعان 115 ەگۋ كابينەتى اشىلدى, ولاردىڭ قابىلداۋ مۇمكىندىگى كۇنىنە 8 050 ادامدى قۇرايدى.
«ۆاكتسينانى وڭىرلەرگە جەتكىزۋ لوگيستيكاسى پىسىقتالدى. ۆاكتسينانى قىسقا قاشىقتىققا تاسىمالداۋ ءۇشىن 115 تەرموكونتەينەر ساتىپ الىندى, الىس قالالار مەن اۋداندارعا ۆاكتسينا سۋىق تىزبەكتى ساقتاي وتىرىپ, رەفريجەراتورلاردا جەتكىزىلەدى. قازىر وبلىس ۆاكتسينالاۋ بويىنشا جوبالىق قۋاتىنا شىقتى. بۇگىنگى تاڭدا ۆاكتسينانىڭ ءبىرىنشى كومپونەنتىن 94 630 ادام, ەكىنشى كومپونەنتىن 10 873 ادام الدى. ءساۋىر ايىندا بارلىعى 171 800 دوزا ۆاكتسينا جەتكىزىلدى», دەدى قاراعاندى وبلىسىنىڭ اكىمى.
تۇرعىندارعا E-gov جانە Damumed جەكە كابينەتى ارقىلى ۆاكتسينالاۋعا جازىلۋ قولجەتىمدى. تۇرعىندار ءۇشىن بارىنشا ىڭعايلى ۆاكتسينالاۋ ناۋقانىن وتكىزۋ قاجەتتىلىگىن ەسكەرە وتىرىپ, ءىرى ساۋدا ورتالىقتارىندا ەگۋ كابينەتتەرى اشىلدى. زەينەتكەرلەردى ۆاكتسينالاۋدى كوشپەلى ءموبيلدى بريگادالار ۇيگە بارىپ جۇرگىزەدى.
سونىمەن قاتار وبلىستىڭ ونەركاسىپ كاسىپورىندارىنىڭ قىزمەتكەرلەرىن قامتۋ بويىنشا جوسپار قۇرىلدى. كاسىپورىنداردىڭ مەديتسينالىق پۋنكتتەرىن قولدانا وتىرىپ, كوشپەلى بريگادالار ۆاكتسينالاۋ جۇرگىزەدى.
اقمولا وبلىسىنىڭ اكىمى ەرمەك مارجىقپاەۆ پاندەميا باستالعاننان بەرى وڭىردە كۆي اۋرۋىنىڭ تىركەلگەن جاعدايى 17 867 ادامدى قۇراعانىن حابارلادى. 16404 ادام نەمەسە 92% ەمدەلىپ شىقتى.
«بۇگىنگى كۇنى كەرەۋەت قورى 1 643 ورىنعا دەيىن ۇلعايتىلدى. بارلىق ورىندار وتتەگىمەن قامتاماسىز ەتىلدى, رەانيماتسيالىق ورىنداردىڭ جابدىقتالۋى 100% قۇرايدى. حالىقتى كوروناۆيرۋس ينفەكتسياسىنان ۆاكتسينالاۋ جۇمىسى جالعاسۋدا. 87 ەگۋ پۋنكتى, 11 جىلجىمالى مەديتسينالىق كەشەن جۇمىس ىستەيدى», دەدى ە. مارجىقپاەۆ.
حالىق جاپپاي جينالاتىن ءىرى ساۋدا-ويىن-ساۋىق ورتالىقتارىندا, ورتالىق مەشىتتە, حالىققا قىزمەت كورسەتۋ ورتالىقتارىندا قوسىمشا ەگۋ پۋنكتتەرى اشىلدى.
«سپۋتنيك V» ۆاكتسيناسىنىڭ ءبىرىنشى كومپونەنتى 24,5 مىڭ ادامعا, ەكىنشىسى كومپونەنتى 6 690 ادامعا ەگىلدى. ۆاكتسينانى ساقتاۋ ءۇشىن مەديتسينا ۇيىمدارىندا 53 مۇزداتقىش كامەراسى, 340 تەرموكونتەينەر, 33 سومكە-مۇزداتقىش, 1 690 حلادوەلەمەنت بار.
وڭىردە ءالى دە بولسا قاتاڭ شەكتەۋ شارالارى قولدانىلادى. سوڭعى اپتادا مونيتورينگ توپتارىمەن 219 تەكسەرۋ رەيدى وتكىزىلدى, مونيتورينگپەن 1 017 وبەكت قامتىلدى, كارانتين شارالارىن بۇزۋدىڭ 19 فاكتىسى انىقتالدى, 17 اكىمشىلىك ايىپپۇل سالىندى.
«Ashyq» قوسىمشاسىن ەنگىزۋ جۇمىسى جۇرگىزىلۋدە. «Ashyq» جوباسىنىڭ الەۋەتتى قاتىسۋشىلارىنان 37 ءوتىنىم كەلىپ ءتۇستى, 27 QR-كود بەرىلدى. دارىلىك زاتتاردىڭ 2 ايلىق قورى قۇرىلدى. دەنساۋلىق ساقتاۋ ۇيىمدارى جەكە قورعانۋ زاتتارىمەن تولىق كولەمدە قامتاماسىز ەتىلدى. سۇرانىسقا يە بولاتىن دارىلىك زاتتاردى قوسىمشا ساتىپ الۋ ءۇشىن تۇراقتاندىرۋ قورىندا 500 ملن تەڭگە قاراستىرىلدى.