پرەزيدەنت قاسىم-جومارت توقاەۆ اتىراۋ وبلىسىنىڭ الەۋمەتتىك-ەكونوميكالىق دامۋ ماسەلەلەرى جونىندەگى كەڭەستە كوروناۆيرۋس ىندەتى قايتادان ءورشىپ, ەپيدەميالىق احۋال كۇردەلەنىپ بارا جاتقانىن ايتتى, دەپ حابارلايدى Egemen.kz
«بۇل رەتتە, ايماقتىڭ ەرەكشەلىگىن ەسكەرىپ, ەڭبەك ۇجىمدارىنداعى احۋالعا ايرىقشا نازار اۋدارۋ كەرەك. وبلىس كاسىپورىندارىندا اپتا سايىن ىندەت وشاعى پايدا بولۋدا. وبلىس اكىمىنە ءىرى وندىرىستىك كاسىپورىن باسشىلارىمەن بىرلەسىپ, ىندەتتىڭ الدىن-الۋ جانە ونىمەن كۇرەس شارالارىن ۋاقتىلى قابىلداۋدى تاپسىرامىن. ۆاحتالىق تاسىلمەن ىستەيتىن جۇمىسشىلاردىڭ دەنساۋلىعىن مۇقيات قاداعالاۋ قاجەت», دەيدى مەملەكەت باسشىسى.
سونىمەن قاتار قاسىم-جومارت توقاەۆتىڭ ايتۋىنشا, ىندەتتىڭ جاڭا تولقىنى كەلگەننەن بەرى جاعدايى اۋىر جانە وتە اۋىر ناۋقاستار كوبەيۋدە.
«ولاردىڭ سانى سوڭعى ءبىر ايدا ەكى ەسەگە ارتتى. ال, ەمدەۋ مەكەمەلەرىندە قاجەتتى ءدارى-دارمەك پەن قۇرال جابدىقتار ءالى دە جەتكىلىكسىز ەكەنى انىقتالىپ وتىر. بۇل احۋال ادام ءولىمىنىڭ كۇرت وسۋىنە اكەپ سوقتىرۋى مۇمكىن», دەيدى پرەزيدەنت.