ءۇندىستاننىڭ باتىس بەنگاليا شتاتىندا تاعى ءبىر جاڭا كوروناۆيرۋستىق شتامم انىقتالدى, دەپ حابارلايدى Egemen.kz India Today-عا سىلتەمە جاساپ.
بۇل تۋرالى ءۇندىستاننىڭ گەنوميكا جانە ينتەگراتيۆتى بيولوگيا ينستيتۋتىنىڭ قىزمەتكەرى ۆينود سكاريا حابارلادى.
«ۆ.1.618-بۇل كوبىنەسە ءۇندىستاندا كەزدەسەتىن گەنەتيكالىق ۆاريانتتاردىڭ ەرەكشە جيىنتىعىمەن, يممۋنيتەتتىڭ تومەندەۋىنىڭ نەگىزگى نۇسقاسى-ە484ك-مەن كەزدەسەتىن SARS-COV-2-ءنىڭ جاڭا شتاممى», دەلىنگەن حابارلامادا.
سونىمەن قاتار, ۇندىستاندىق عالىمدار ءدال وسى شتامم الەمدە كوروناۆيرۋستىڭ كوبەيۋىنە سەپتىگىن تيگىزىپ جاتقاندىعىن اتاپ ءوتتى.
«بۇل مۋتاتسيانىڭ بىرنەشە نۇسقالارى اقش-تا, شۆەيتساريادا, سينگاپۋردە جانە فينليانديادا تابىلدى», دەيدى سكاري.
ءۇندىستاننىڭ باسقا شتاتتارىنداعىداي باتىس بەنگاليادا دا اۋرۋدىڭ كۇرت ءوسۋى بايقالادى. وتكەن تاۋلىكتە شتاتتا 10 مىڭعا جۋىق جاڭا جاعداي تىركەلگەن. سوڭعى ايلاردا ءۇندىستاندا كوروناۆيرۋستى جۇقتىرعاندار سانى بويىنشا رەكوردتىق ءوسىم بايقالادى.
ەسكە سالايىق, ءۇندىستاندا كوروناۆيرۋستىڭ قوس مۋتاتسياسى بار جاڭا نۇسقاسى انىقتالعان بولاتىن. وسىعان بايلانىستى ءۇندىستان كوروناۆيرۋستىق ۆاكتسينالاردىڭ بارلىق ەكسپورتىن ۋاقىتشا توقتاتتى.