سولتۇستىك قازاقستان وبلىسىندا وقۋشىلار اراسىندا كوروناۆيرۋستىڭ تارالۋىنا بايلانىستى ءبىر مەكتەپ جانە 46 سىنىپ قاشىقتان وقىپ جاتىر, دەپ حابارلايدى Egemen.kz قازاقپاراتقا سىلتەمە جاساپ.
سقو سانيتاريالىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە, وڭىردە كوروناۆيرۋسقا قاتىستى جاعداي تۇراقتالىپ كەلەدى. وسىدان بىرەر اپتا بۇرىن ينفەكتسيانى جۇقتىرعاندار سانى بىردەن 40 %-عا ارتسا, وتكەن اپتادا 3,7 %-عا كوبەيىپ, 242-دەن 251-گە جەتكەن. ولاردىڭ 58 %-ىندا اۋرۋ بەلگىلەرى بولدى.
«وقۋشىلار اراسىندا كوروناۆيرۋستىڭ تارالۋىنا بايلانىستى قازىر وڭىردەگى 46 سىنىپ جانە 1 مەكتەپ قاشىقتان ساباق بەرۋگە كوشتى. جالپى ءتورتىنشى توقسان باستالعالى 72 وقۋشىدا كۆي انىقتالدى. ولاردىڭ 64-ءى شتاتتىق رەجيمدە وقىعان. سىنىپتا ءبىر وقۋشى اۋىرسا بارلىق سىنىپ قاشىقتان وقۋعا كوشەدى. 2-3 سىنىپتا قاتار اۋىرسا, مەكتەپ كارانتينگە جابىلادى», دەيدى سقو سانيتاريالىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ارمان كۇشباسوۆ.
قىركۇيەك ايىنان بەرى وبلىستا 740 وقۋشىدا كوروناۆيرۋس انىقتالدى. بالالاردىڭ 284-ءى ينفەكتسيانى مەكتەپتەن تىس جۇقتىرعان.
جالپى وبلىس بويىنشا كۆي-ءدى جۇقتىرعاندار سانى 13 641-گە جەتتى.