جامبىل وبلىسى قورداي اۋدانى نوعايباي اۋىلىندا ۋاقىت كاپسۋلاسى سالىنىپ, «MONTERRA QASAQSTAN» جشس جاڭا تاۋ-كەن مەتاللۋرگيا كومبيناتىنىڭ قۇرىلىسى باستالدى, دەپ حابارلايدى Egemen.kz.
سالتاناتتى راسىمگە جامبىل وبلىسىنىڭ اكىمى بەردىبەك ساپارباەۆ, قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, سىرتقى ىستەر ءمينيستىرىنىڭ ورىنباسارى الماس ايداروۆ, ەرمانيا فەدەراتيۆتى رەسپۋبليكاسىنىڭ توتەنشە جانە وكىلەتتى ەلشىسى تيلو كليننەر, ورتالىق ازياداعى گەرمانيا ەكونوميكاسى وكىلدىگىنىڭ باسشىسى حوۆسەپ ۆوسكانيان, MONTERRA GROUP AG باسقارما توراعاسى كريستيان گراف فون شتراحۆيتتس, MONTERRA QASAQSTAN باس ديرەكتورى مەرۋەرت دانباەۆا قاتىستى. بۇدان سوڭ قاتىسۋشى قوناقتار اعاش كوشەتتەرىن وتىرعىزدى.
شارا بارىسىندا «تمك قۇرىلىسى جانە كمپ التىن كەن ورىندارىن يگەرۋ» جوباسى تانىستىرىلدى.
تاۋ-كەن مەتاللۋرگيا كومبيناتىن سالۋ – ساباقتاس سالالاردى دامىتۋعا, جالپى ءونىمنىڭ وسۋىنە جانە جامبىل وبلىسى تۇرعىندارىنىڭ جۇمىسپەن قامتىلۋىنا ايرىقشا اسەر بەرەدى. كومپانيا ايماقتىڭ الەۋمەتتىك ومىرىنە دە بەلسەندى اتسالىسۋدا دەسەك, سوڭعى ەكى جىلدا 103,5 ملن. تەڭگە كولەمىندە قايىرىمدىلىق كومەك كورسەتىلگەن. كومپانيا قازىردىڭ وزىندە جوباعا شامامەن 6 ميلليارد تەڭگە ينۆەستيتسيا قۇيعان, بۇل رەتتە بيۋدجەتكە سالىقتىق تۇسىمدەر اعىمداعى جىلدىڭ اياعىندا 1 ميلليارد تەڭگەدەن اسادى دەپ كۇتىلۋدە, - دەپ اتاپ ءوتتى مەرۋەرت دانباەۆا.
سالتاناتتى شارادا ءسوز العان جامبىل وبلىسىنىڭ اكىمى بەردىبەك ساپارباەۆ جوبا جامبىل وبلىسىنىڭ ەكونوميكالىق, ەكولوگيالىق جانە الەۋمەتتىك وسىمىنە ىقپال ەتەتىندىگىن اتاپ ءوتتى.
- جوبا وڭىردە 2800-دەن استام جۇمىس ورنىن قۇرۋعا مۇمكىندىك بەرەدى دەسەك, ول بويىشا نەگىزىنەن جەرگىلىكتى تۇرعىندار جۇمىسپەن قامتىلماق. بۇل قورداي اۋدانىنىڭ عانا ەمەس, جالپى وبلىستىڭ دامۋىنا دا سەرپىن بەرەرى ءسوزسىز. سونداي-اق, جاس مامانداردى دايارلاۋ باعدارلاماسى بويىنشا وقىتۋ جۇرگىزىلەدى, - دەدى ايماق باسشىسى.
- ءبىزدىڭ كومپانيانىڭ جۇمىسى تۇراقتى ءارى قازاقستان مەن گەرمانيا اراسىنداعى ىنتىماقتاستىقتىڭ سەنىمدى كوپىرى بولىپ تابىلادى. ءبىزدىڭ جوبامىزدىڭ ءساتتى جۇزەگە اسۋى قازاقستانداعى قولايلى ينۆەستيتسيالىق احۋالدى تاعى ءبىر ايعاقتاي تۇسەرى ءسوزسىز, - دەدى MONTERRA GROUP AG باسقارما توراعاسى كريستيان گراف فون شتراحۆيتتس.
- ەگەر بۇعان دەيىن قورداي اۋدانى نەگىزىنەن اۋىل شارۋاشىلىعى شالقىعان ايماق اتانسا, قازىر اۋدان يندۋستريالاندىرۋدىڭ جاڭا كەزەڭىن كەشۋدە. تاۋ-كەن مەتاللۋرگيا كومبيناتى ەكولوگيا مەن ساپانىڭ جوعارى ستاندارتتارىنا ساي بولادى. ەڭ ماڭىزدىسى, بۇل كەشەن ەلىمىزدە ينجەنەرلەر مەن مەتاللۋرگتەردىڭ جاڭا بۋىنىنىڭ قالىپتاسۋىنا ىقپال ەتەدى. بىزگە جاڭا قۇزىرەتتىلىكتەردى مەڭگەرگەن جاستاردى تاربيەلەپ ءوسىرۋ قاجەت, - دەدى بەيبىت اتامقۇلوۆ.
جالپى قۇنى 832 ميلليارد تەڭگەنى قۇرايتىن جوبا ءۇش كەزەڭدە جۇزەگە اسىرىلماق. قۋاتتىلىعى جىلىنا دورە قورىتپاسىندا 10 تونناعا دەيىن التىن وندىرۋگە جەتپەك.
ايتا كەتۋ كەرەك, كومپانيا گەولوگيالىق بارلاۋ جۇمىستارىنا بەلسەندى ينۆەستيتسيا سالۋدا. شيكىزات كوزى – قاراتاس-مايبۇلاق اۋماعى.