“بيىل 14 ساۋىردە قۇرمانعازى اۋدانىنىڭ كوپتوعاي اۋىلىندا قازاقستان مەن رەسەي شەكاراسىندا جاڭا شەكارالىق قورشاۋ سالۋ جۇمىستارى باستالدى”, دەپ حابارلايدى Egemen.kz اتىراۋ وبلىسىنىڭ وڭىرلىك كوممۋنيكاتسيالار قىزمەتىنە سىلتەمە جاساپ.
قازىرگى ۋاقىتتا 2005 جىلعى 18 قاڭتاردا ماسكەۋدە قول قويىلعان “قازاقستان-رەسەي مەملەكەتتىك شەكاراسى تۋرالى كەلىسىمى” بويىنشا ەكى ەل اراسىندا شەكارا بەلدەۋى ورناتىلۋدا. ال, دەماركاتسيالىق جۇمىستارى ءالى اياقتالعان جوق.
شەكارا اۋماعىندا جاڭا قورشاۋلار تۇرعىزۋ جۇمىستارىن "2016" اسكەري ءبولىمى جۇرگىزۋدە.
- بۇل جۇمىستار قازىر ەمەس, بۇرىن باستالۋى ءتيىس ەدى, بىراق ءارتۇرلى سەبەپتەرمەن جۇرگىزىلمەي كەلدى. تەك بيىلعى جىلدىڭ 14 ساۋىرىندە شەكاراشىلار قۇرىلىس جۇمىستارىنا كىرىستى. شەكارا قورشاۋى جۇمىستارى جۇرگىزىلمەس بۇرىن, 13 ساۋىردە اكىمدىك, شەكارا قىزمەتى مەن قۇقىق قورعاۋ ورگاندارىنىڭ وكىلدەرى كوپتوعاي اۋىلىنىڭ تۇرعىندارىمەن كەزدەسىپ, جۇمىستاردىڭ زاڭدىلىعى تۋرالى ءتۇسىندىرۋ جۇمىستارىن جۇرگىزگەن بولاتىن. الايدا, سونداي-اق شەكارا قىزمەتى مەن قۇقىق قورعاۋ ورگاندارى دا جاسالىپ جاتقان جۇمىستاردىڭ زاڭدىلىعىن ۇعىندىردى, - دەدى قۇرمانعازى اۋدانىنىڭ اكىمى مارات مۇرزيەۆ.
قر ۇقك شەكارا قىزمەتىنىڭ وكىلدەرى تۇسىندىرگەندەي, "2013 جىلدىڭ مامىر ايىندا ورناتىلعان №23 جانە №24 شەكارالىق بەلگىلەر اراسىنداعى مەتالل قورشاۋلار رف اۋماعىنا قاراي 10-70 مەترگە ارالىقتا ورنالاسقان".
قازىرگى ۋاقىتتا رەسەي فەدەراتسياسىنىڭ اۋماعىندا ورنالاسقان ۇزىندىعى 1800 مەتر قورشاۋلاردى تۇرعىزۋ ءۇشىن ينجەنەرلىك جۇمىستار كوپتوعاي اۋىلىندا جۇرگىزىلەدى.