بۇگىن, ياعني 2021 جىلدىڭ 17 ءساۋىر كۇنگى سوڭعى مالىمەتتەرگە سايكەس, الماتىدا كوروناۆيرۋستىق ينفەكتسيانى تاعى 680 ادام جۇقتىرعانى انىقتالدى. ونىڭ 562-ءسى سيمپتومدىق بەلگىلەرى بار جانە 118 سيمپتومسىز ناۋقاستار, دەپ حابارلايدى Egemen.kz.
ءبىر تاۋلىك ىشىندە اۋرۋحانالارعا 416 ناۋقاس قابىلداندى, بارلىق ستاتسيوناردان 506 ناۋقاس ەمدەلىپ شىقتى.
بارلىق ينفەكتسيالىق ستاتسيونارلاردا 3 688 ادام ەمدەلىپ جاتسا, ونىڭ ىشىندە102 بالا بار.
رەانيماتسيا جانە قارقىندى تەراپيا بولىمشەلەرىندە جالپى – 251 (بوس توسەك-ورىن سانى – 199) سىرقات جاتىر.
ءوجج – 26, ءينۆازيۆتى ەمەس ءوجج – 86, High flow-دا 93 اپپارات جۇمىس ىستەيدى.
6 239 ناۋقاس امبۋلاتوريالىق باقىلاۋدا, ونىڭ ىشىندە 5 384 ناۋقاستىڭ جاعدايى جەڭىل جانە ورتاشا دارەجەدەگى سيمپتومدىق بەلگىلەرى بار جانە 855 سيمپتومسىز پاتسيەنت تىركەلگەن.