الماتىدا كوروناۆيرۋستى قايتا جۇقتىرعان 17 ناۋقاس تىركەلدى. بۇل تۋرالى ونلاين بريفينگ بارىسىندا الماتى قالاسى سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين ايتتى, دەپ حابارلايدى Egemen.kz.
جانداربەك بەكشيننىڭ ايتۋىنشا, الماتىدا ۆيرۋستى قايتا جۇقتىرعان 17 ناۋقاس تىركەلگەن. ولار وتكەن جىلدىڭ جازىندا كوروناۆيرۋسپەن اۋىرعان. ول كەزدە ىندەت سيمپتومسىز وتكەن. بۇل جولى ينفەكتسيا كلينيكالىق بەلگىمەن ءوتىپ جاتىر.
«وتكەن جىلى ءتورت جاعداي تىركەلگەن بولاتىن. بيىل جىل باسىنان بەرى 17 ادام كوروناۆيرۋستى قايتا جۇقتىردى. ونى ءبىز ارنايى بازا ارقىلى انىقتايمىز. ياعني, ەكىنشى رەت جۇقتىرعان ناۋقاستى بازاعا ەنگىزگەن كەزدە ول قابىلدامايدى. دەمەك, ول شىلدە ايىندا شارتتى تۇردە اۋىرعان. ءارى قارايعى جۇمىس وتە قيىن. بۇل قايتالانعان ينفەكتسيا ما, الدە ۇزاققا سوزىلعان ۆيرۋس تاسىمالداۋشىسى ما, وسىنى انىقتاۋ قاجەت», دەدى ج. بەكشين.