كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا الەم ەلدەرىندەگى ەپيدەميالىق احۋالعا قاتىستى مالىمەتتەر جاريالادى, دەپ حابارلايدى Egemen.kz.
گەرمانيا پرەزيدەنتى فرانك-ۆالتەر شتاينمايەر ەل تۇرعىندارىن الداعى بىرنەشە اپتا بويى قاتاڭ شەكتەۋ شارالارىنا دايىن بولۋعا شاقىردى. بۇل تۋرالى ول 2 ءساۋىر كۇنى پاسحا مەرەكەسىنە بايلانىستى جولداۋىندا مالىمدەدى. سونىمەن قاتار حالىقتى ۆاكتسيناتسيا ناۋقانىنا بەلسەنە قاتىسۋعا شاقىردى.
اقش حالقىنىڭ ۇشتەن ءبىرى - 100 ميلليوننان استام ادام, ىندەتكە قارسى ەكپەنىڭ كەم دەگەندە العاشقى دوزاسىن قابىلداعان. شامامەن 58 ميلليون ادام ەكپەنىڭ ەكى دوزاسىمەن ەگىلگەن. اقش-تا كۇن سايىن شامامەن 3 ميلليون ادامعا ۆيرۋسقا قارسى ينەكتسيا جاسالادى.
برازيليادا ءبىر تاۋلىك ىشىندە covid-19-دان 2 922 ادام قايتىس بولعان. ەلدە ىندەتتى جۇقتىرعانداردىڭ جالپى سانى 70 238 ادامعا ارتقان. ەپيدەميا باستالعاننان بەرى ەلدە SARS-CoV-2 ۆيرۋسىن جۇقتىرعانداردىڭ سانى 13 ميلليونعا جۋىقتاعان جانە 325 مىڭنان استام ادام قايتىس بولعان.
فرانتسيادا 3 ساۋىردەن باستاپ ءبىر اي مەرزىمگە جالپىۇلتتىق لوكداۋن ەنگىزىلمەك. بارلىق 96 دەپارتامەنتتە ساعات 19.00-دەن باستاپ كومەندانتتىق ساعات ەنگىزىلەدى جانە تۇرعىلىقتى جەرىنەن 10 شاقىرىمنان استام قاشىقتىققا شىعۋعا تىيىم سالىنادى. جۇمىس ىستەيتىن تۇرعىندارىنا قاشىقتان جۇمىس جاساۋ رەجىمىنە اۋىسۋ ۇسىنىلدى. 5 ساۋىردەن باستاپ مەكتەپتەر مەن بالاباقشالار كەم دەگەندە ءۇش اپتاعا جابىلادى. ستۋدەنتتەر اپتاسىنا ءبىر رەت دارىستەرگە قاتىسا الادى.
بەلگيادا پوليتسيا ەپيدەمياعا قارسى شەكتەۋ شارالارىن بۇزۋشىلاردى كوزدەن جاس اعىزاتىن گاز جانە سۋ شاشۋ ارقىلى تاراتتى. كوروناۆيرۋستىق پاندەمياعا بايلانىستى ەلدە كوشەدە ءتورت ادامنان ارتىق جينالۋعا تىيىم سالىنعان.