وزبەكستان پرەزيدەنتى شاۆكات ميرزيوەۆ ءوز سوزىندە بەرىك تاريحي بايلانىسقا, ءتىل, مادەنيەت جانە رۋحاني قۇندىلىقتاردىڭ ورتاقتىعىنا نەگىزدەلگەن تۇركى تىلدەس مەملەكەتتەردىڭ ىنتىماقتاستىق كەڭەسى وڭىرلىك ءوزارا ءىس-قيمىلدىڭ ءتيىمدى تەتىگىنە اينالىپ كەلە جاتقانىن ەرەكشە اتاپ ءوتتى.
مەملەكەت باسشىسى كەڭەستىڭ پاندەميادان تۋىنداعان جاھاندىق داعدارىستىڭ تەرىس سالدارىن ەڭسەرۋگە باعىتتالعان قىسقا جانە ورتا مەرزىمگە ارنالعان ەكونوميكالىق ىنتىماقتاستىق ستراتەگياسىن ازىرلەۋ باستاماسىن ۇسىندى. ول ساۋدا, ينۆەستيتسيالىق, كووپەراتسيالىق جانە كولىك بايلانىستارىن تەزىرەك قالپىنا كەلتىرىپ, ولاردى جاڭا جاعدايدا ودان ءارى دامىتۋ, ەلەكتروندى كوممەرتسيا مەن تسيفرلىق تەحنولوگيالاردى كەڭىنەن ەنگىزۋ, ىسكەر توپتاردىڭ مۇمكىندىكتەرى مەن وڭىرارالىق ىنتىماقتاستىقتى نەعۇرلىم تولىق پايدالانۋ قاجەتتىگىنە نازار اۋداردى.
ش. ميرزيوەۆ ءوز سوزىندە تۇركى كەڭەسى ءوزىنىڭ ينۆەستيتسيالىق قورىن جاساقتاپ, دامۋ بانكىن اشاتىن ۋاقىت كەلگەنىن مالىمدەدى. ودان بولەك, ايماقتىڭ كولىك-ترانزيت الەۋەتىن دامىتۋدىڭ ماڭىزدىلىعى ارتا تۇسكەندىگى ءسوز بولدى.