حاكىم ابايعا تاعزىم

جيىنعا قازاقستاننان ارنايى ساپارمەن كەلگەن قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا باستاعان مادەنيەت قايرات­كەر­لەرى جانە ونەر ادامدارى, قىرعىز تاراپىنان قىرعىز رەسپۋبليكاسىنىڭ مادەنيەت, اق­پارات, سپورت جانە جاستار ساياساتى ءمينيسترى قايرات يماناليەۆ باس بولعان ولكەدەگى مادەنيەت سالاسىنىڭ جەتەكشىلەرى قاتىستى.

– كەيىنگى جىلدارى قازاق-قىرعىز قا­رىم-قاتىناستارى كەڭ ءورىس الدى, ونىڭ ىشىن­دە مادەني بايلانىس نىعايا ءتۇستى. ءبىز ورتالىقتى ارالاپ كورىپ, ونىڭ كەڭدىگىنە, جاسالىمىنا ءدان ريزا بولدىق, – دەپ ءسوزىن باستاعان مينيستر اقتوتى رايىمقۇلوۆا بيىل قىرعىزستاندا وتەتىن قازاقستاننىڭ مادەنيەت كۇندەرى ەكى ەلدىڭ دوستىعىن بەكەمدەۋگە  ايتارلىقتاي ۇلەس قوسارىن ايتتى. 2022 جىلى ءبىز قازاقستاندا قىرعىز مادە­نيەتىنىڭ وكىلدەرىن كۇتەتىن بولامىز, – دەدى مينيستر.

اباي شىعارمالارىنىڭ قىرعىز ەلىنە, قىرعىز ادەبيەتىنە تيگىزگەن ىقپالىنا توق­تالعان مينيستر قايرات يماناليەۆ جاقىن­دا بولعان ەكى مەملەكەتتىڭ باسشى­لارى كەزدەسۋىنىڭ اياسىندا قازاقستاننىڭ مادەنيەت جانە سپورت مينيسترلىگىمەن ءوزى جەتەكشىلىك ەتەتىن مينيسترلىك اراسىندا ىن­تىماقتاستىقتى دامىتۋ تۋرالى كەلىسىمگە قول قويىلعانىن, قازاقستاننىڭ مادەنيەت كۇن­دەرىنىڭ قىرعىزستاندا وتۋىنە بايلانىس­تى دايارلىقتار جۇرگىزىپ جاتقا­نىن اتاپ ءوتتى.

قازاقستاننىڭ قىرعىزستانداعى تو­تەن­­شە جانە وكىلەتتى ەلشىسى قايرات نۇر­پەيى­سوۆ بىلتىرعى اباي جىلىنىڭ اياسىندا كىتاپ­حانادا اباي ورتالىعىنىڭ اشىلۋى باۋىر­لاس ەكى ەلدىڭ رۋحاني ومىرىندەگى زور وقيعا بول­عانىنا توقتالىپ, وسىنداي ورتالىق بار­دا اباي ناسيحاتى جالعاسا بەرەتىنىنە سەنىم ءبىلدىردى. سونداي-اق ەلشى نۇر-سۇل­تان جانە الماتى قالالارىنداعى ۇلتتىق كىتاپ­حانا­لاردىڭ اباي ورتالىعىنا 500-دەن اس­­تام كىتاپتى تارتۋ ەتۋگە باستاماشى بولعان مينيستر ا.رايىمقۇلوۆاعا ريزاشىلىعىن ءبىل­­دىردى.

جيىندا ءسوز سويلەگەن قىرعىز رەس­پۋب­­لي­كاسىنىڭ حالىق ءارتىسى, قىرعىز ۇلتتىق اكادەميالىق وپەرا جانە بالەت تەاترىنىڭ ديرەكتورى كەرىم تۇراپوۆ ەكى ەلدىڭ دوس­تىعىن نىعايتۋدا ما­دەني بايلانىس­تار باسقا سالالارداعى قاتىناستارعا قارا­عاندا وتە ماڭىزدى ەكەنىن, قىرعىز ۇلت­تىق اكادەميالىق دراما تەاترىنىڭ جەتەك­شىسى اسىلبەك وزۇبەكوۆ وزدەرىنىڭ م.اۋەزوۆتىڭ «ەڭلىك-كەبەك» پەساسىن ساحنالاۋعا ازىر­لەپ جاتقاندارىن ايتتى. قىرعىز كي­نە­ما­توگرافيا دەپارتامەنتىنىڭ باسشىسى مۇق­تالى بەكتەناليەۆ شىڭعىس ايت­ما­توۆتىڭ شىعار­مالارى بويىنشا قازاق-قىر­عىز كور­كەم ءفيلمىن ءتۇسىرۋ جونىن­دە  ۇسى­نىسىن جا­سادى.

مەيماندار جاعىنان ءسوز سويلەگەن قازاق­­ستاننىڭ ەڭبەك سىڭىرگەن قايرات­كەر­لەرى اقان ابدۋاليەۆ, جەڭىس سەيدول­لا ۇلى جانە اقىن-جىرشى بايانعالي ءالىم­جانوۆ تۋىسقان ەكى ەلدىڭ بىرلىگىن ارتتىرۋداعى مادەنيەتتىڭ رولىنە توقتا­لدى. جيىندا قىر­عىزستاننىڭ «دوس­تىق» وردەنىمەن ماراپاتتالعان ماناسشى بايان­عالي الىمجانوۆقا ۇلكەن قۇرمەت كورسەتىلىپ, پرەزيدەنت سادىر جاپاروۆ نۇر-سۇلتان قالاسىنا بار­عان ساپارىندا وعان وردەندى ءوز قولىمەن تاپ­سىر­عانى ايتىلدى.

قازاقستاندىق دەلەگاتسيا بىش­كەكتەگى شىڭعىس ايتماتوۆتىڭ مۇ­را­­جاي-ۇيىنە بارىپ, قالانىڭ شەتىندەگى 1937 جىل­عى رەپرەسسيا قۇرباندارىنا ار­نال­عان «اتا-بەيىت» كەشەنىنە تاعزىم ەتىپ, گۇل شوقتارىن قويدى. «سۋپارا» («سىپىرا») ەتنوكەشەنىن ارالاپ كوردى. ءتۇس اۋا قازاقستاندىق مەيماندار قىر­عىزستاننىڭ باس تەلەارناسى قترك-دا تىكەلەي ەفيردە ءبىر ساعات قوناق بولدى.

ءىس-شارالار كەشقۇرىم ا.مالدىباەۆ اتىنداعى قىرعىز ۇلتتىق اكادەميالىق وپەرا جانە بالەت تەاترىندا جالعاستى. كونتسەرت باستالار الدىندا قىرعىز رەس­پۋب­ليكاسى پرەزيدەنتىنىڭ اپپارات جەتەكشىسى سۇيۇنبەك كاسمامبەتوۆ پرە­زيدەنت سادىر جاپاروۆتىڭ ابايدىڭ 175 جىلدىعىنا ارنالعان قۇتتىقتاۋىن وقىپ بەردى. وندا اباي قۇنانباەۆتىڭ وسيەتتەرى قىرعىز ەلىن­دە كەڭ تاراعانى ايتىلعان. سونداي-اق تۇركسوي-دىڭ باس حاتشىسى دۇيسەن قاسەيىنوۆ تە قۇتتىقتاۋ لەبىزىن ءبىلدىردى. تۇركسوي اياسىندا وتكىزىلگەن «اقىن ابايعا مىڭ تاعزىم» اتتى كونتسەرتتە قازاق­ستاننان, وزبەكستاننان, تۇركيادان, تۇر­ى­كمەنستاننان ارنايى كەلگەن جانە قىر­عىزستاننىڭ ونەر شەبەرلەرى ابايدىڭ اندەرى مەن شىعارمالارىنىڭ جەلىسى بويىنشا كومپوزيتسيالاردى كورەر­مەندەرگە تارتۋ جاسادى.

نازاربەك بايجىگىتوۆ,

قىرعىزستاننىڭ جالپىۇلتتىق «قىرعىز تۋى» گازەتىنىڭ قىزمەتكەرى,

ارنايى «Egemen Qazaqstan» ءۇشىن

 بىشكەك