قازاقستان رەسپۋبليكاسىنىڭ تاۋەلسىزدىگىنە وراي ەل پرەزيدەنتى قاسىم-جومارت توقاەۆتىڭ «تاۋەلسىزدىك بارىنەن قىمبات» ماقالاسى جاريالانعان بولاتىن. قىزىلوردا وبلىستىق زاعيپ جانە ناشار كورەتىن ازاماتتارعا ارنالعان ارناۋلى كىتاپحاناسىنىڭ كىتاپحاناشىسى, ءى توپ كوز مۇگەدەگى اقمارال نۇرليەۆا زاعيپ جاندار ءۇشىن وسى ماقالانى برايل قارپىندە جازىپ شىقتى. ول ءوزى سەكىلدى مۇمكىندىگى شەكتەۋلى جانداردىڭ سۇرانىسى سايكەس وسى ەڭبەكتى جاساعانىن ايتادى, دەپ حابارلايدى Egemen.kz قىزىلوردا وبلىسى اكىمىنىڭ ءباسپاسوز قىزمەتىنە سىلتەمە جاساپ.
- مۇمكىندىگى شەكتەۋلى جاندار دا ەل جاڭالىقتارىنان, مەملەكەتتىڭ ساياساتىنان حاباردار بولعىسى كەلەدى. ولار دا ءوز حالدەرىنشە تاۋەلسىز مەملەكەتىمىزدىڭ دامۋىنا ۇلەستەرىن قوسپاق نيەتتە. سول ماقساتتا ماعان پرەزيدەنت ماقالاسىن وقۋ ءۇشىن برايل قارپىندە جازۋىمدى ءوتىندى. مەن بۇل ۇسىنىستى قۋانا قابىلدادىم, - دەدى اقمارال نۇرليەۆا.
سونداي-اق ارناۋلى كىتاپحانا جانىنداعى دىبىس جازۋ ستۋدياسى ماقالانىڭ دىبىستاندىرىلعان نۇسقاسىن دايىنداپ, تىڭدارماندارىنا ۇسىندى. وقىرماندار كىتاپحانا قورى قۇندى دۇنيەلەرمەن تولىققانىنا قۋانىشتى.