سەنات دەپۋتاتى ءالىمجان قۇرتاەۆ تۇركىستان وبلىسىندا بولدى. سەناتور وندا ءماسليحات دەپۋتاتتارىمەن جۇزدەسىپ, ورداباسى جانە وتىرار اۋداندارى اكىمدەرىنىڭ ەسەپ بەرۋ كەزدەسۋىنە قاتىستى, دەپ حابارلايدى Egemen.kz.
«وتىرار اۋدانى ءۇشىن 2020 جىلعى ماڭىزدى وقيعالاردىڭ ءبىرى – گازداندىرۋ بولدى. قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆ "بەينەۋ-بوزوي-شىمكەنت" گاز قۇبىرىن سالۋ تۋرالى تاريحي شەشىم قابىلداعان بولاتىن. بۇل تابيعي گازدى باتىس قازاقستاننان وڭتۇستىك وڭىرگە جەتكىزۋگە مۇمكىندىك بەردى. بيىل وتىرار اۋدانىنىڭ تاعى 23 اۋىلىنىڭ تۇرعىندارى گازبەن قامتىلادى», دەدى سەناتور ءالىمجان قۇرتاەۆ.
سەناتور كەزدەسۋدە سونداي-اق وبلىس تۇرعىندارىنان كەلىپ تۇسكەن ۇسىنىستار بويىنشا جۇرگىزىلىپ جاتقان جۇمىستار تۋرالى اۋىل تۇرعىندارىن حاباردار ەتتى.