نيدەرلاندتىڭ قازاقستانداعى ەلشىلىگىنەن كەلىپ تۇسكەن اقپاراتقا سايكەس, 23 قاڭتاردان باستاپ COVID-19 كوروناۆيرۋس پاندەمياسىنا بايلانىستى قازىرگى كەزدە اتالمىش ەلگە كىرۋدىڭ باقىلاۋ شارالارى كۇشەيتىلدى. بۇل تۋرالى ءسىم ءباسپاسوز قىزمەتى حابارلادى.
وسىمەن, سول ەلگە كەلگەندەردىڭ بارلىعى نيدەرلاندقا كىرەردەن 72 ساعات بۇرىن تاپسىرىلعان COVID-19 پتر-تەستىنىڭ تەرىس ناتيجەسى بار انىقتامانى, سونداي-اق COVID-19 ەكسپرەسس-تەستىنىڭ تەرىس ناتيجەسىن («انتيگەن ەكسپرەسس-تەست» دەپ اتالاتىن) كورسەتۋى كەرەك. بۇل تالاپتار ترانزيتتىك جولاۋشىلارعا دا قاتىستى.COVID-19 ەكسپرەسس تەستىن نۇر-سۇلتان جانە الماتى قالالارىنداعى حالىقارالىق اۋەجايلاردا ورنالاسقان زەرتحانالاردا تاپسىرۋعا بولادى. وسى ماسەلە بويىنشا اقپارات الۋ ءۇشىن ءتيىستى اۋەجايدىڭ اقپاراتتىق قىزمەتىنە حابارلاسۋ قاجەت.