دجونس حوپكينس ۋنيۆەرسيتەتىنىڭ مالىمەتى بويىنشا ىندەتتى ەڭ كوپ جۇقتىرعان ەلدەردىڭ العاشقى بەستىگى كەلەسىدەي: اقش (16 ميلليون), ءۇندىستان (شامامەن 10 ميلليون), برازيليا (6,8 ميلليون), رەسەي (2,6 ميلليون), فرانتسيا (2,4 ميلليون).
ەۋروپادا اۋرۋدىڭ الدىن-الۋ جانە باقىلاۋ ورتالىعىنىڭ مالىمەتى بويىنشا يتاليا COVID-19 – دان قايتىس بولعاندار سانى بويىنشا ەۋروپادا ءبىرىنشى ورىنعا شىقتى – 64 036 قۇرادى.⠀شۆەيتساريانىڭ بەس اۋرۋحاسىنىڭ باس دارىگەرلەرى COVID-19 جۇقتىرعان ناۋقاستار سانى بويىنشا ەلدە ورىن ارعان جاعدايعا قاتىستى تەرەڭ الاڭداۋشىلىقتارىن ءبىلدىرىپ, مەملەكەتتىڭ دەنساۋلىق ساقتاۋ مينيسترىنە حات جولداعان. ولار جانساقتاۋ بولىمشەلەرىندە ورىن قالماعانىن جانە مەيىربيكەلەردىڭ سانىنىڭ ازدىعىن مالىمدەگەن.