اباي قۇنانباي ۇلىنىڭ 175 جىلدىعىنا وراي ۇيىمداستىرىلعان حالىقارالىق تەاتر فەستيۆالىندە جەرگىلىكتى رەجيسسەر وڭتالاپ نۇرماحانوۆتىڭ «قالىڭ ەلىم, قازاعىم, قايران جۇرتىم...» تراگيفارسىن قويعان قىزىلورداداعى جاستار تەاترى 1 ملن تەڭگەنىڭ گرانت سەرتيفيكاتىن جەڭىپ الىپ, ءى دارەجەلى ديپلومعا يە بولعان بولاتىن, دەپ حابارلايدى Egemen.kz
«جاستار تەاترى» 2016 جىلى قالا اكىمدىگىنىڭ قولداۋىمەن اسقار توقماعامبەتوۆ اتىنداعى مادەنيەت ءۇيى جانىنان قۇرىلعان. سودان بەرى رەپەرتۋارى بىرنەشە قويىلىممەن تولىعىپ, تالانتتى جاستار ونەر ساحناسىندا شىڭدالىپ كەلەدى. ونەر ۇجىمى از ۋاقىتتا ءتۇرلى دەڭگەيدەگى بايقاۋلارعا, فەستيۆالدەرگە قاتىسىپ, جۇلدەلى ورىندارعا يە بولدى.
جاستار تەاترىن حالىقارالىق فەستيۆالدەگى جەڭىسىمەن قۇتتىقتاعان قالا اكىمى نۇرلىبەك نالىباەۆ كيەلى ونەر كوشىن جالعاعان ۇجىمعا ايماقتىڭ مادەنيەت سالاسىن دامىتۋعا قوسقان ۇلەستەرى ءۇشىن العىس ءبىلدىرىپ, شىعارماشىلىق تابىس تىلەدى. سونىمەن قاتار, الداعى جىلى تەاتردىڭ 5 جىلدىعى كەڭ كولەمدە اتالىپ ءوتىپ, «جاستار تەاترى» جەكە مەكەمە رەتىندە قۇرىلاتىنىن اتاپ ءوتتى.
شارا سوڭىندا ونەر ۇجىمىنا حالىقارالىق تەاتر فەستيۆالىنىڭ ەڭ جوعارعى ءى دارەجەلى ديپلومى تابىستالىپ, ارتىستەر ءتۇرلى ماراپاتقا يە بولدى.