بيىل قورعانىس مينيسترلىگىنىڭ اسكەرلەردى پاتەرلەرگە ورنالاستىرۋ باس باسقارماسى سارىوزەك گارنيزونىنىڭ ساياباق ايماعىن جانە الماتى وبلىسىنداعى ەكى پوليگوندى جارىقتاندىرۋ بويىنشا كۇردەلى جوندەۋ جۇمىستارىن جۇرگىزدى, دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
سارىوزەك گارنيزونى 12740 اسكەري ءبولىمىنىڭ ساياباق ايماعىن جارىقتاندىرۋ جۇيەسى كۇردەلى جوندەۋدەن ءوتتى. ونىڭ پەريمەترى بويىنشا ءۇش شاقىرىم بويى جارىقتاندىرۋ قۇرىلعىلارى بار 90 تىرەك ورناتىلدى. جۇمىستار "اسكەري قۇرىلىس" اق-مەن ورىندالدى. جوندەلگەن جارىقتاندىرۋ, بەينەباقىلاۋداعى اسكەري وبەكتىلەردى كۇزەتۋ ساپاسىن جاقسارتۋعا مۇمكىندىك بەرەدى.
الماتى وبلىسى اقسۋ اۋدانىنداعى "جەتىسۋ" جانە "قىزىلاعاش" وقۋ پوليگوندارىندا ەلەكترمەن جابدىقتاۋ جەلىسىنە كۇردەلى جوندەۋ جۇمىستارىن "Gas energy service company" جشس جۇرگىزدى. پوليگونداردى ەلەكترلەندىرۋ ءۇشىن ۇزىندىعى 14 شاقىرىم بولاتىن ون كيلوۆاتت ەلەكتر تاراتۋ جەلىسى ورناتىلدى.
قارۋلى كۇشتەر ينفراقۇرىلىمىنىڭ وسى نىساندارى بويىنشا جوبالىق-سمەتالىق قۇجاتتامانى مەملەكەتتىك ساراپتاما ماقۇلدادى. قازىرگى ۋاقىتتا جۇمىستار اياقتالىپ, ولاردى پايدالانۋعا بەرۋ اكتىلەرى رەسىمدەلۋدە.