جىل سوڭىنا دەيىن نۇر-سۇلتان مەكتەپتەرىندە 4 752 بەينەباقىلاۋ كامەراسىن ورناتۋ جوسپارلانۋدا. بۇل تۋرالى بريفينگتە نۇر-سۇلتان قالالىق تسيفرلاندىرۋ جانە مەملەكەتتىك قىزمەتتەر باسقارماسىنىڭ ءبولىم باسشىسى دانيال ايتكەنوۆ ءمالىم ەتتى, دەپ حابارلايدى Egemen.kz.
"تولىق بەينەباقىلاۋمەن قامتاماسىز ەتۋ ءۇشىن قازىرگى ۋاقىتتا مەكتەپتەردە كامەرالار ورناتۋ جۇمىستارى جۇرگىزىلۋدە. جىل سوڭىنا دەيىن 4 752 كامەرامەن جابدىقتاۋدى جوسپارلاپ وتىرمىز. وسىلايشا, ەلورداداعى مەكتەپتەر 100% بەينەباقىلاۋمەن قامتىلادى", - دەدى دانيال ايتكەنوۆ.
ونىڭ ايتۋىنشا, بۇگىنگى تاڭدا وقۋ ورىندارى كومپيۋتەرلىك تەحنيكامەن جانە ينتەرنەت جەلىسىمەن تولىق جابدىقتالعان. سونداي-اق وندا روبوتوتەحنيكا كابينەتتەرى مەن STEM-زەرتحانالار اشىلدى. سونىمەن قاتار مەكتەپ اسحانالارىندا قولما-قول اقشاسىز تولەم ەنگىزىلدى, سونىڭ ارقاسىندا اتا-انالار بالالارىنىڭ تاماقتانۋىن باقىلاي الادى.
وقۋشىلاردىڭ مۇمكىندىگىن اشۋ ءۇشىن ەلوردادا جىل سايىن تەحنيكالىق ءبىلىم بەرۋ سالاسىنداعى بارلىق سوڭعى جەتىستىكتەردى قامتيتىن عىلىمي-ءبىلىم بەرۋ STEM-وليمپيادالارى وتكىزىلەدى. وليمپيادا ينجەنەريا, باعدارلامالاۋ, روبوتوتەحنيكا جانە 3D-مودەلدەۋ سياقتى عىلىمداردان تۇرادى.