الماتىدا 6 قازاننان باستاپ تەاترلاردىڭ جۇمىسىنا رۇقسات بەرىلدى. بۇل تۋرالى الماتى قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىندا ايتىلعان. قاۋلىعا سايكەس, تەاترلاردا وتىرۋ ورىندارىنىڭ تولۋى 50% اسپاۋى ءتيىس, - دەپ حابارلايدى Egemen.kz
"مادەني نىسانداردا الەۋمەتتىك اراقاشىقتىق ساقتالۋى مىندەتتى. سونداي-اق, سانيتارلىق-دەزينفەكتسيالىق رەجيم, جەلدەتۋ جانە اۋانى باپتاۋ جۇيەلەرى ۇزدىكسىز جۇمىس ىستەپ تۇرۋى كەرەك. وعان قوسا, اۋانى ساۋلەلەندىرۋ (كۆارتس) ۇسىنىلادى", - دەلىنگەن الماتى قالاسىنىڭ باس مەملەكەتتىك سانيتارلىق دارىگەرى جانداربەك بەكشيننىڭ جاڭا قاۋلىسىندا.