تاجىكستاننىڭ ءىس باسىنداعى پرەزيدەنتى ەمومالي راحمون پرەزيدەنتتىك سايلاۋدا الدىن-الا بولجام بويىنشا 83,6 پايىز داۋىس جيناعان. بۇل تۋرالى ريا «نوۆوستي» حابارلادى.
تاجىكستان سايلاۋ جانە رەفەرەندۋم جونىندەگى ورتالىق كوميسسيانىڭ توراعاسى شەرمۋحامماد شوحيون: «تاجىكستان پرەزيدەنتتىگىنە ۇمىتكەرلەردىڭ ءبىرى – ەمومالي راحموندى 3 ميلليون 23 مىڭ 754 سايلاۋشى قولداپ داۋىس بەردى, ال, قالعان ۇمىتكەرلەردىڭ جيناعان داۋىسى 5 پايىزعا دا جەتە المادى», – دەدى.
ورتالىق سايلاۋ كوميسسياسى توراعاسىنىڭ سوزىنە قاراعاندا, سايلاۋ ءادىل, زاڭ تالاپتارىنا ساي وتكەن.
تاجىكستانداعى پرەزيدەنتتىك سايلاۋعا ەل حالقىنىڭ 86,6 پايىزى قاتىسقان.
جولدىباي بازار.