پرەزيدەنتتىڭ "جاڭا جاعدايداعى قازاقستان: ءىس-قيمىل كەزەڭى" قازاقستان حالقىنا جولداۋىن زيالى قاۋىم وكىلدەرىمەن تالقىلاۋ بارىسىندا مەملەكەتتىك حاتشى ق.كوشەرباەۆ زيالى قاۋىمنىڭ جاڭا كەزەڭدەگى جاڭا ميسسياسىنا توقتالدى, - دەپ حابارلايدى Egemen.kz.
"قاي داۋىردە دە قازاق زيالىلارى ءوز قوعامىندا مارتەبەلى ميسسياسىن اتقارىپ كەلەدى. مىسالى, وتكەن عاسىردىڭ الپىسىنشى جىلدارىندا قالامگەرلەر ۇلتتىڭ رۋحىن كوتەردى. ۇلت جازۋشىلارى جىلىمىق كەزەڭدە (وتتەپەل) ەل مۇددەسىمەن وزەكتەس شىعارمالاردى ومىرگە اكەلدى. تاۋەلسىزدىكتىڭ العاشقى جىلدارىندا زيالىلار حالىقتى بەرەكە-بىرلىككە شاقىردى, ۇلتتىق قۇندىلىقتاردى تۇگەندەپ, تاريحىمىزدى جاڭعىرتۋعا ولشەۋسىز ۇلەس قوستى. جاڭا تاريحي كەزەڭدە قازاق زيالىلارىنىڭ ەندىگى مىندەتى – ۇلت بولمىسىنىڭ جاڭا قاعيداتتارىن قالىپتاستىرۋ, ۇلت ساپاسىن ارتتىرۋعا اتسالىسۋ. سىزدەر – قازاق زيالىلارى – ۇلتتىڭ ۇلى ماقساتىنا اداستىرماي اپاراتىن تەمىرقازىعى بولۋلارىڭىز كەرەك!" - دەپ اتاپ ءوتتى ق.كوشەرباەۆ.