سايلاۋعا دايىندىق بارىسى تالقىلاندى

جيىنعا ۆيدەوبايلانىس ارقىلى وبلىستاردىڭ, نۇر-سۇلتان, الماتى جانە شىمكەنت قالالارىنىڭ اۋماقتىق سايلاۋ كوميسسيالارى جانە ونلاين رەجىمدە باق وكىلدەرى قاتىستى. وسك توراعاسى بەرىك يماشەۆ 10 تامىزدا ساعات 00:00-دە كان­دي­داتتاردىڭ سايلاۋالدى ۇگىت جۇ­مىسى اياقتالعانىن مالىمدەدى. وسىلايشا كۇنتىزبەلىك جوسپارعا سايكەس داۋىس بەرۋ كۇنىن ۇيىم­داس­تىرۋمەن جانە وتكىزۋمەن باي­لانىستى بارلىق سايلاۋالدى ءىس-شارالار اياقتالادى. وسىعان بايلانىستى وبلىستاردىڭ, نۇر-سۇلتان, الماتى جانە شىمكەنت قالالارىنىڭ اۋماقتىق سايلاۋ كوميسسيالارى توراعالارىنىڭ داۋىس بەرۋ كۇنىنە دايىندىق بارىسى تىڭدالدى.

سايلاۋ كوميسسيالارىنىڭ ۇسىنعان مالىمەتتەرىنە سايكەس سايلاۋ بيۋللەتەندەرىنە 46 كانديدات ەنگىزىلدى (تىركەۋدەن كەيىن 12 كانديداتتان كان­دي­داتۋرالارىن الىپ تاستاۋ تۋ­رالى ءوتىنىش تۇسكەن). شىعىس قازاقستان وبلىسىنان 4 كان­ديدات, اقمولا, اتىراۋ, باتىس قازاقستان, قاراعاندى, قوستا­ناي, قىزىلوردا جانە پاۆلو­دار وبلىستارى, نۇر-سۇلتان, الماتى, شىمكەنت قالا­لارى­نان 3 كانديداتتان جانە قالعان وڭىر­لەردەن 2 كانديداتتان تىركەل­گەن. رەسپۋبليكا بويىنشا تاڭ­داۋشىلار تىزىمىنە 3069 ءماسليحات دەپۋتاتى ەنگىزىلگەن.

بەرىك يماشەۆ ايماقتارداعى سانيتارلىق-ەپيدەميالىق جاع­دايدى ەسكەرە وتىرىپ, سايلاۋ پروتسەسىنىڭ سانيتارلىق قاۋىپ­سىزدىگىن قامتاماسىز ەتۋ ءۇشىن بارلىق قاجەتتى شارالار قا­بىلدانعانىن اتاپ ءوتتى. بۇدان باسقا, سايلاۋ كۇنى وسك-نىڭ ين­تەرنەت-رەسۋرسى ارقىلى تاڭ­داۋشىلاردى تىركەۋدى جانە داۋىس بەرۋدىڭ الدىن الا قورى­تىن­دىلارىن شىعارۋدى ونلاين بايقاۋ سەرۆيستەرى جۇمىس ىستەي­تىن بولادى, بۇل سايلاۋ پرو­تسە­سىنىڭ اشىقتىعى مەن جا­ريا­لىلىعىن قامتاماسىز ەتپەك.