تەمەكىنى قىزدىرۋ جۇيەلەرى شىلىم شەگۋدەن ارىلۋعا كومەكتەسە مە؟

زەرتتەۋ بارىسىندا, تەمەكىنى قىزدىرۋ جۇيەلەرى شىلىم شەگۋدەن باس تارتۋعا ىقپال ەتە مە دەگەن ساۋالعا جاۋاپ تابۋ باستى نازارعا الىنعان.

قازاقستاندىقتار اراسىندا ەڭ كوپ تارالعان تاباك ونىمدەرى رەتىندە ءداستۇرلى تەمەكى كوش باسىندا تۇرعان كورىنەدى. ولاردى ءۇش قالاداعى ەرەسەك جاستاعى حالىقتىڭ 31,6% تۇتىناتىنى انىقتالعان. تارالۋى بويىنشا ەكىنشى توپتاعى ونىمدەر – حور-حور, سيگارالار, تەمەكى تۇتىكتەرى (6,2%), اسىرەسە 18-29 جاس توبىندا تانىمال (10,9%). تەمەكىنى قىزدىرۋ جۇيەسىن ەرەسەك حالىقتىڭ تەك 4,9% عانا, ال ەلەكتروندى تەمەكىنى – 1,5% پايدالانادى-مىس.

بۇل رەتتە ەل تۇرعىندارى اراسىندا اتالعان ونىمدەردى تۇتىنۋدان باس تارتقانداردىڭ كوپشىلىگى تەمەكىنى قىزدىرۋ جۇيەلەرى ارقىلى پايدالانۋشىلار سانىن ارتتىرعان.

ورتالىق تالداۋشىسى شىنار سماعۇلوۆانىڭ پىكىرىنشە, «بۇل تەمەكىنى قىزدىرۋ جۇيەلەرىنە تاۋەلدىلىكتىڭ ازدىعىن جانە ولاردى پايدالانۋشىلار ءۇشىن تەمەكى ونىمدەرىنەن تولىق باس تارتۋ جەڭىل كەلەتىنىن كورسەتەدى. دەگەنمەن تۇپكىلىكتى كەسىپ ايتۋ قيىن, سەبەبى ىرىكتەلگەن جيىنتىقتا تەمەكى ونىمدەرىن تۇتىنۋدى تاستاعاندار سانىنىڭ ازدىعىنا بايلانىستى – بارلىعى 49 رەسپوندەنت. ءبىزدىڭ ورتالىقتىڭ ۇستانىمىن بىردەن اتاپ وتكىم كەلەدى – ءبىز سالاۋاتتى ءومىر سالتىن قولدايمىز جانە زياندى ادەتتەرگە جولاماۋعا شاقىرامىز. ءبىز ادامدار ءۇشىن شىلىم شەگۋدەن باس تارتۋعا كومەكتەسەتىن ادىستەردى ىزدەۋ ماڭىزدى ەكەنىن تۇسىنەمىز. تەمەكىنى قىزدىرۋ قۇرىلعىلارى سياقتى شىلىم شەگۋدىڭ بالامالارى بالكىم, از تاۋەلدىلىكتى قالىپتاستىرادى, الايدا ماسەلەنىڭ انىق-قانىعىنا جەتۋ ءۇشىن كوپتەگەن زەرتتەۋلەر قاجەت» دەيدى مامان.

ورتالىق مالىمەتتەرىن تالداۋ نۇر-سۇلتان, الماتى جانە شىمكەنت قالالارىنداعى ەرەسەك جاستاعى حالىقتىڭ 35,7%-ى تاباك ونىمدەرىنىڭ تۇراقتى پايدالانۋشىلارى ەكەندىگىن كورسەتىپ وتىر. بۇل رەتتە كۇن سايىن 29,8%-ى تاباك ونىمدەرىن تۇتىنادى. ەلوردادا تەمەكى ونىمدەرىن پايدالانۋشىلاردىڭ سانى (29%) الماتى جانە شىمكەنتپەن (ارقايسىسىندا 38%-دان) سالىستىرعاندا از. ەرلەردىڭ جارتىسىنان كوبى – 51,8%, ايەلدەردىڭ – 22,4%-ى تەمەكى ونىمدەرىن تۇتىنادى. بۇل رەتتە 40-49 جاستاعى ادامدار ەڭ كوپ شىلىم شەگەتىن توپ بولىپ شىقتى (وسى جاس ساناتىندا سۇرالعانداردىڭ اراسىندا قۇرامىندا تاباك بار ونىمدەردى 41,4% تۇتىنادى), ال تەمەكىنى ەڭ از شەگەتىن توپ – 50 جانە ودان جوعارى جاستاعى ادامدار (25,7%).

زەرتتەۋدىڭ تاعى ءبىر ماڭىزدى ناتيجەسى – قازاقستاندىقتاردىڭ قانداي تاباك ونىمدەرىنەن تۇتىنۋدى باستايتىنى تۋرالى دەرەكتەر. 89,7% جاعدايدا – بۇل ءداستۇرلى سيگارەتتەر, 6%-دا – بۇل باسقا دا تاباك ونىمدەرى, اتاپ ايتقاندا كالياندار, سيگارالار, تەمەكى تۇتىكتەرى, ال تەمەكىنى قىزدىرۋ جۇيەلەرىنىڭ ۇلەسىنە 0,5% كەلەدى.

زەرتتەۋ 18 جانە ودان جوعارى جاستاعى ەلىمىزدىڭ ەڭ ءىرى قالالارى - نۇر-سۇلتان, الماتى جانە شىمكەنت تۇرعىندارىن قامتىدى, بارلىعى 5 210 ادامنان ساۋالناما الىندى, جىنىسى مەن جاسى بويىنشا ىرىكتەۋ وسى قالالاردىڭ تۇرعىندارىنا قاتىستى رەپرەزەنتاتيۆتى بولدى.

«ساندج» زەرتتەۋ ورتالىعى – حالىقارالىق ۇيىمدارمەن جانە مەملەكەتتىك ورگاندارمەن جۇمىس ىستەيتىن, ۇكىمەتتىك ەمەس سەكتورمەن بەلسەندى ءوزارا ءىس-قيمىل جاسايتىن جانە بيزنەسكە كاسىبي قىزمەت كورسەتەتىن قازاقستانداعى ءىرى زەرتتەۋ كومپانيالارىنىڭ ءبىرى.

بۇل زەرتتەۋ «فيليپ مورريس قازاقستان» كومپانياسىنىڭ تاپسىرىسى بويىنشا جۇرگىزىلگەن. ول Philip Morris International جاھاندىق كومپانياسىنىڭ ءبىر بولىگى بولىپ تابىلادى. كومپانيا وكىلدەرى مالىمدەگەندەي, الپاۋىت ۇجىم بۇگىنگى تاڭدا زياندى تومەندەتۋ الەۋەتى بار ءتۇتىنسىز تەمەكى جانە نيكوتينى بار ونىمدەردى دايىنداۋعا جانە جىلجىتۋعا باسا نازار اۋدارىپ وتىر.