«KEGOC» اق-نىڭ 9 ايماقتىق فيليالىندا تۇتىنۋشىلارمەن ەسەپ ايىرىسۋدىڭ بيللينگتىك جۇيەسىن تاجىريبەلىك-ونەركاسىپتىك پايدالانۋ ء(توپ) باستالدى. بۇل تۋرالى كومپانيانىڭ ءباسپاسوز قىزمەتى حابارلادى.
ءتوپ كەزىندە كومپانيا ماماندارى جۇيەنىڭ جۇمىسقا قابىلەتتىلىگىن جانە باپتاۋلارىنىڭ تەحنيكالىق تالاپتارعا سايكەس بولۋىن تەكسەرەدى. انىقتالعان بارلىق اقاۋلار مەن قاتەلىكتەر جوندەلەدى جانە اعىمداعى جىلدىڭ سوڭىندا جۇيە ءتيىمدى پايدالانۋعا بەرۋگە دايىن بولادى.
بيللينگتىك جۇيە «KEGOC» اق «جۇيەلىك قىزمەتتەردى كورسەتۋ پروتسەستەرىن جەتىلدىرۋ» ترانسفورماتسيا جوباسىنىڭ شەڭبەرىندە ەنگىزىلەدى. 2018 جىلدىڭ سوڭىنا دەيىن جوبانى ىسكە اسىرۋدىڭ بارلىق كەزەڭىنە سانالعان كۇردەلى سالىمدار 138 ملن.تەڭگەنى قۇرايدى.
كومپانيا فيليالدارىنداعى ءتوپ-پەن بىرگە قر ەلەكتر ەنەرگياسىنىڭ كوتەرمە ساۋدا نارىعى (ەكن) سۋبەكتىلەرىن (KEGOC تۇتىنۋشىلارى) بيللينگتىك جۇيەدەگى كليەنتتىڭ «جەكە كابينەتىندە» جۇمىس ىستەۋگە ۇيرەتۋ بويىنشا وقىتۋ باستالدى. ولار قوسىمشانىڭ قىزمەتىمەن تانىستىرىلادى جانە بيللينگتى قوسۋ كەزەڭىندە جۇيەدە جۇمىس ىستەۋگە دايىن بولادى.
استانادا وتكەن قر ەكن سۋبەكتىلەرىنىڭ وكىلدەرىمەن كەزدەسۋدە بيللينگتىك جۇيەنى ەندىرۋ بويىنشا جوبا باسشىسى جانىبەك قۋانىشباەۆ اتاپ وتكەندەي كومپانيا كليەنتتەرى ءۇشىن جۇيەدە جۇمىس ىستەۋدىڭ ارتىقشىلىقتارى ايقىن.
«ەسەپ جۇرگىزۋ ءۇشىن اعىمداعى جانە تاريحي دەرەكتەردىڭ قول جەتىمدىلىگى, ونلاين رەجيمىندە قىزمەتتەرگە اقى تولەۋ شوتتارىن ۇسىنۋ جانە تاعى باسقالارى ۋاقىتتى ۇنەمدەۋگە سەبەپ بولادى. سونىمەن قاتار ەلەكتر ەنەرگياسىن ەسەپكە الاۋ قۇرىلعىلارىنان دەرەكتەردى جۇيەگە تىكەلەي جىبەرۋ پروتسەستەرىن بىرىكتىرۋ ادامي فاكتوردى جويادى, ناتيجەسىندە ءوزارا ەسەپ ايىرىسۋ ءراسىمىنىڭ تيىمدىلىگى مەن ايقىندىعىن ارتتىرادى», - دەپ ءتۇسىندىردى ول.
ەنگىزىلەتىن وزگەرىستەردىڭ اۋقىمى بويىنشا «KEGOC» اق-داعى بيللينگتىك جۇيەنى امبەبەپ دەپ اتاۋعا بولادى. جاڭا جۇيە ەنگىزىلگەننەن باستاپ تۇتىنۋشىلار, ياعني ەنەرگيا نارىعىنىڭ 280 سۋبەكتىسى «جەكە كابينەت» ارقىلى تۇتىنۋ, شارتتار تۋرالى جاڭا اقپارات, تولەم جانە وتەۋ تۋرالى, ەسەپ ايىرىسۋ كەزەڭى بويىنشا مالىمەتتەر جانە تاعى باسقالارى تۋرالى دەرەكتەردى ەنگىزۋگە قول جەتكىزەدى.