بۇگىن ۇكىمەت وتىرىسىندا قارجى ءمينيسترى باقىت سۇلتانوۆ مينيسترلىكتەردىڭ رەسپۋبليكالىق بيۋدجەتتى يگەرىلۋى تۋرالى مالىمدەدى
«رەسپۋبليكالىق بيۋدجەت شىعىستارى 3 684,5 ملرد تەڭگەگە يگەرىلدى. يگەرىلمەۋ سوماسى 58,4 ملرد تەڭگەنى قۇرادى», - دەيدى باقىت سۇلتانوۆ.
قارجى ءمينيسترىنىڭ بايانداماسىنا قۇلاق اسساق, قاڭتار-مامىر ارالىعىندا يگەرىلمەگەن ەڭ ۇلكەن قاراجات كەلەسى ۆەدومستۆولاردا قالىپتاسقان: قورعانىس مينيسترلىگى - 17,2 ملرد تەڭگەنى, اۋىل شارۋاشىلىعى مينيسترلiگi - 8,5 ملرد تەڭگەنى, ال Iشكi iستەر مينيسترلiگi 5,4 ملرد تەڭگەنى يگەرە الماعان. بۇل رەتتە مادەنيەت جانە سپورت مينيسترلىگىنىڭ ۇلەسى 7,8 ملرد تەڭگەنى, قارجى مينيسترلiگiنىڭ ۇلەسى 3,3 ملرد تەڭگە, ۇلتتىق قاۋiپسiزدiك كوميتەتiنىڭ يگەرىلمەگەن سوماسى 3,4 ملرد تەڭگەنى, جوعارعى سوتتىڭ ۇلەسى 1,8 ملرد تەڭگەنى قۇراعان.
ءمينيستردىڭ ايتۋىنشا, 1 ماۋسىمداعى جاعداي بويىنشا 178,6 ملرد تەڭگەگە مىندەتتەمەلەر قابىلدانىپ, قازىناشىلىقتا تىركەلگەن. 96,9 ملرد تەڭگەگە ءالى دە بولسا مىندەتتەمەلەر قابىلدانباعان.
«ونىڭ ىشىندە 83,9 ملرد تەڭگەسى ينۆەستيتسيا جانە دامۋ مينيسترلىگى بويىنشا 25 اۆتوجول جوبالارىنىڭ قۇرلىسىن سالۋعا كەلەدى. وسى سومانىڭ 46,1 ملرد تەڭگەسىنە 12 ماۋسىمعا شەتەلدەگى مەردىگەرلەرمەن قارجىلىق كەلىسىمشارتتارعا قول قويىلدى. وتكەن جينالىستا ايتىلعانىنداي, 13 جوباعا بولىنگەن 42,9 ملرد تەڭگەنىڭ يگەرىلمەۋ قاۋپى بار», - دەيدى باقىت سۇلتانوۆ.