قازاقستان دوپتى حوككەي تاريحىندا تۇڭعىش رەت 17 جاسقا دەيىنگى قۇراما الەم چەمپيوناتىندا جۇلدەگە يە بولدى. ناۋرىزدىڭ 22-24 كۇندەرى رەسەيدىڭ ۋليانوۆسك قالاسىندا 17 جاسقا دەيىنگى قۇرامالار اراسىندا دوپتى حوككەيدەن الەم چەمپيوناتى ءوتتى.
اتالعان جارىسقا قازاقستان قۇراماسى العاشقى رەت قاتىسىپ جانە جۇلدەگە يە بولىپ وتىر. توپتىق كەزەڭدى ىركىلمەي اياقتاعان جىگىتتەرىمىز جارتىلاي فينالدا بولاشاق الەم چەمپيوندارى شۆەتسيا قۇراماسىنا جول بەردى. ال ءۇشىنشى ورىن ءۇشىن وتكەن كەزدەسۋدە 5-1 ەسەبىمەن فينليانديا قۇراماسىن ويسىراتا جەڭدى. قازاقستان ساپىندا داۋرەن ورالوۆ 4 گول سوعىپ پوكەر جاساسا, تاعى 1 گول ەرشات امانگەلديەۆتىڭ ەنشىسىندە.
سونداي-اق, قۇراما شابۋىلشىسى داۋرەن ورالوۆ 7 گولىمەن بومبارديلەر بەستىگىنە ەندى.
فينالدىق كەزدەسۋدە شۆەتسيا جاسوسپىرىمدەرى رەسەيدى 4-2 ەسەبىمەن جەڭىپ چەمپيون اتاندى.