ەلىمىزدىڭ باسىم بولىگىندە اتموسفەرالىق اعىمداردىڭ وتۋىنە بايلانىستى كوپ جەرلەردە قار جاۋىپ, تۇمان ءتۇسىپ, كوكتايعاق بولادى جانە جەل كۇشەيىپ, بۇرقاسىن بولادى. تەك ەلىمىزدىڭ سولتۇستىك شىعىسىندا عانا قار جاۋمايدى. بۇل تۋرالى «قازگيدرومەت» رمك حابارلادى.
جامبىل, وڭتۇستىك قازاقستان وبلىستارىنىڭ كەي جەرلەرىندە تۇمان ءتۇسىپ, كوكتايعاق بولىپ, بۇرقاسىنداتادى. جەلدىڭ كۇشى سەكۋندىنا 15-23 مەترگە جەتەدى.
قوستاناي, باتىس قازاقستان, كۇندىز سولتۇستىك قازاقستان وبلىستارىندا جەل تۇرىپ, قوستاناي وبلىسىندا تۇمان بولادى.
الماتى, اتىراۋ, ماڭعىستاۋ, شىعىس قازاقستان, قاراعاندى وبلىستارىنىڭ كەي جەرلەرىندە تۇمان ءتۇسىپ, الماتى وبلىسىندا كوكتايعاق بولادى.
قىزىلوردا وبلىسىنىڭ كەي جەرلەرىندە تۇمان ءتۇسىپ, جەلدىڭ جىلدامدىعى سەكۋندىنا 15-20 مەترگە جەتەدى.