ءماجىلىس پەن بۋندەستاگ دەپۋتاتتارى كەزدەسىپ, پىكىر الماستى

بۇل جۇزدەسۋ ەلباسى نۇرسۇل­تان نازارباەۆتىڭ شاقىرۋىمەن گەرمانيا فەدەراتيۆتىك رەسپۋب­لي­كاسىنىڭ كانتسلەرى انگەلا مەر­كەلدىڭ قازاقستانعا تۇڭعىش رەت رەسمي ساپارمەن كەلۋىنە بايلا­نىس­تى ۇيىمداستىرىلدى. گەرمانيا دەلەگاتسياسى قۇرامىنداعى بۋن­دەستاگ مۇشەلەرى – كلاۋديا ۆينتەرشتاين, فيليپپ ميسسفەل­دەر, فرانتس ت¿ننەس, ماريلۋيزە بەكك جانە ديتمار بارچتى قازاقستان تاراپىنان ءماجىلىس دەپۋتاتتارى – قايرات سادۋاقا­سوۆ, ناتاليا گەللەرت, ەگور كاپپەل, الدان سمايىل, ايگۇل سولوۆەۆا مەن سەرىك تەمىربولاتوۆ قارسى الدى. ءماجىلىس دەپۋتاتى قايرات ءسا­دۋاقاسوۆ سوڭعى ءبىر جارىم جىلدىڭ ىشىندە ەكى ەل اراسىنداعى بايلانىس جاڭاشا قارقىن العانىن ايتىپ ءوتتى. بۇعان 2009 جىلعى تابىستى وتكەن قازاقستاننىڭ گەرمانياداعى جىلى مەن بيىلعى گەرمانيانىڭ قازاق ەلىندەگى جىلى ۇلكەن ىقپال ەتكە­نىن العا تارتتى. وسىدان كەيىن ءسوز العان بۋندەستاگ دەپۋتاتى كلاۋ­ديا ۆينتەرشتاين حانىم بولسا ءوز سوزىندە وسى ساپارداعى ۋاقىتتىڭ تى­عىزدىعىنا قاراماي كوپتەگەن ماڭىزدى شارالارعا قاتىسقانىن, قا­زاقستان تۋرالى مول ماعلۇمات ال­عا­نىن ايتتى. “بۇل ءبىز ءۇشىن ماڭىز­دى ساپار. استانانىڭ از جىلدا كوركەيىپ كەتكەنىن بىردەن بايقادىق. ەلدىڭ ەكونوميكالىق جاعىنان وسكەنى دە ءبىزدى قۋانتىپ وتىر”, — دەدى ول. مەيمان قازاقستاندىق ءارىپ­تەستەرىن زاڭ شىعارۋ ىسىندە ءتا­جىريبە الماسۋ ماقساتىندا ءوز ەلىنە كەلىپ قايتۋعا شاقىردى. گەرمانيا قازاقستانمەن ساۋدا-ەكونوميكالىق ارىپتەس ەلدەردىڭ ىشىندە باستاپقى وندىققا ەنەدى. قوس مەملەكەتتىڭ ىنتىماقتاستىق, ساياسي-ەكونوميكالىق بايلانىسى ارتا تۇسۋىنە وتكەن جىلعى 3 اقپاندا پرەزيدەنت نۇرسۇلتان نازارباەۆ­تىڭ اتالمىش ەلگە جاساعان رەسمي سا­پارى, مەملەكەت باسشىلارىنىڭ جوعارى دەڭگەيدە وتكەن كەزدەسۋلەرى ۇلكەن سەرپىن بەردى. “گەرمانيا قازاقستاننىڭ سىرت­قى ساياساتتاعى ۇستانىمدارىن قول­داپ كەلەدى, ول ءۇشىن ريزاشىلى­عى­مىز­دى بىلدىرەمىز. اتاپ ايتقاندا, گفر ءبىزدىڭ ەلدىڭ ەقىۇ-عا توراعا­لىق ەتۋىن جانە ەقىۇ ءسامميتىن قا­زاقستاندا وتكىزۋ تۋرالى نۇر­سۇلتان نازارباەۆتىڭ باستاماسىن قول­دادى”, – دەدى دەپۋتات ق.سادۋاقاسوۆ. كەزدەسۋدە تاراپتار پارلامەنت­ارالىق بايلانىستى دامىتۋ تۋرالى ويلارىمەن ءبولىستى. ايتا كەتۋ كە­رەك, ماجىلىستە قازاقستان-گەرما­نيا پارلامەنتارالىق ىنتىماق­تاس­تىق توبىنىڭ 24 مۇشەسى بار. وعان ءماجىلىستىڭ حالىقارالىق ىستەر, قورعانىس جانە قاۋىپسىزدىك كومي­تە­تىنىڭ توراعاسى امزەبەك جولشى­بەكوۆ جەتەكشىلىك ەتەدى.