«رەفەرەندۋمدا ء«سىز 2026 جىلدىڭ 12 اقپانىندا بۇقارالىق اقپارات قۇرالدارىندا جاريالانعان قازاقستان رەسپۋبليكاسىنىڭ جاڭا كونستيتۋتسياسىن قابىلدايسىز با؟» دەگەن سۇراق قويىلادى», دەلىنگەن اقوردانىڭ رەسمي سايتىندا جاريالانعان جارلىقتا.
سەيسەنبى كۇنى ۇكىمەت وتىرىسىندا سويلەگەن سوزىندە ق.توقاەۆ جاڭا كونستيتۋتسيا جوباسى «ماڭىزدى پروگرەسسيۆتى نورمالاردى» قامتيتىنىن ايتتى.
ول جاڭا كونستيتۋتسيانى قابىلداۋ قازاقستاننىڭ دامۋىنا قۋاتتى سەرپىن بەرەتىنىن جانە ءاربىر ازاماتتىڭ الەۋەتىن جۇزەگە اسىرۋعا كومەكتەسەتىنىن اتاپ ءوتتى. ق.توقاەۆتىڭ ايتۋىنشا, قازاقستان «سۋپەرپرەزيدەنتتىك باسقارۋ فورماسىن» ىقپالدى جانە بەدەلدى پارلامەنتى بار پرەزيدەنتتىك رەسپۋبليكامەن الماستىرىپ جاتىر.
رەفەرەندۋم 15 ناۋرىزعا بەلگىلەندى
قازاقستاندا 15 ناۋرىزدا رەسپۋبليكالىق رەفەرەندۋم وتەدى. بۇل – ۇكىمەتتى جاڭعىرتۋ جانە ينستيتۋتسيونالدىق جاۋاپكەرشىلىكتى ارتتىرۋعا باعىتتالعان ساياسي شەشىم.
رەفەرەندۋمعا ۇسىنىلعان جاڭا كونستيتۋتسيانىڭ جوباسى بەيسەنبى كۇنى باق-تا جاريالاندى. ەندى ناۋرىز ايىندا سايلاۋشىلار: ء«سىز 2026 جىلدىڭ 12 اقپانىندا بۇقارالىق اقپارات قۇرالدارىندا جاريالانعان قازاقستان رەسپۋبليكاسىنىڭ جاڭا كونستيتۋتسياسىن قابىلدايسىز با؟» دەگەن سۇراققا جاۋاپ بەرەدى. حابارلاماعا سايكەس, رەفەرەندۋمدى ورتالىق سايلاۋ كوميسسياسى باقىلايدى.
جالپى, قازاقستان 1990 جىلداردىڭ ورتاسىنان باستاپ قولدانىستاعى كونستيتۋتسياعا بىرقاتار تۇزەتۋ ەنگىزدى. جوسپارلانعان وزگەرىستەردە قازىرگى ەكى پالاتالى پارلامەنتتى ءبىر پالاتالى پارلامەنتپەن اۋىستىرۋ جانە ۆيتسە-پرەزيدەنت لاۋازىمىن ەنگىزۋ بار.
ساراپشىلار جەكە تۇلعاعا نەگىزدەلگەن باسقارۋدان ينستيتۋتسيونالدىق باسقارۋعا كوشۋدى باسشىلىقتىڭ اۋىسۋىن باسقارۋعا جانە مۇددەلى تاراپتاردىڭ قاتىسۋىن كەڭەيتۋگە قابىلەتتى, ءتوزىمدى مەملەكەت قۇرۋعا باعىتتالعان قادام رەتىندە قاراستىرادى. ەگەر ەلدە مۇنداي باستامالار جالعاسا بەرسە, ينستيتۋتسيونالدىق ۇدەرىستەر كۇشەيىپ, تۇراقتى رەفورمالارعا جول اشۋى مۇمكىن.
كەشەندى ءارى ۇزاقمەرزىمدى وزگەرىستەرگە جول اشادى
قازاقستاندا كونستيتۋتسيالىق وزگەرىستەردىڭ نەگىزگى ەلەمەنتتەرى حالىققا جاريا ەتىلدى. بۇل ەلدىڭ 1990 جىلداردىڭ ورتاسىندا قابىلدانعان قازىرگى كونستيتۋتسياسى بىرنەشە رەت تۇزەتىلدى.
پرەزيدەنت ق.توقاەۆ ۇسىنعان تۇزەتۋلەر ساياسي جۇيەدەگى وكىلەتتىكتەردى قايتا بولۋگە, مەملەكەتتىك ينستيتۋتتاردىڭ تيىمدىلىگى مەن تۇراقتىلىعىن ارتتىرۋعا باعىتتالعان. ساياسي ساراپشىلار مۇنداي رەفورمالار, اسىرەسە ساياسي باسەكەلەستىك پەن ازاماتتىق بوستاندىقتاردى كەڭەيتۋگە باعىتتالۋعا ءتيىس دەپ سانايدى. ساراپشىلار قازىرگى رەفورما كۇشتى ينستيتۋتسيونالدىق تەتىكتەرگە نەگىزدەلگەن كەشەندى ءارى ۇزاقمەرزىمدى وزگەرىستەرگە جول اشاتىنىن اتاپ ءوتىپ, سىن-قاتەرلەردى دە ەسكەرتەدى.
