فوتو: اشىق دەرەككوز
دونالد ترامپتىڭ ايتۋىنشا, ول يزرايل پرەمەر-ءمينيسترى بينيامين نەتانياحۋمەن تەلەفون ارقىلى سويلەسىپ, يزرايل اسكەرى بەيرۋتقا كىرمەيتىنى تۋرالى كەلىسىمگە كەلگەن.
«پرەمەر-مينيستر نەتانياحۋمەن وتە ناتيجەلى اڭگىمە وتكىزدىم. بەيرۋتقا ەشقانداي اسكەر ەنگىزىلمەيتىنى بەلگىلى بولدى. سونداي-اق جوعارى لاۋازىمدى وكىلدەر ارقىلى «حەزبوللامەن» دە جاقسى سويلەستىك. ولار اتىستى توقتاتۋعا كەلىستى. يزرايل ولارعا شابۋىل جاسامايدى, ولار دا يزرايلگە شابۋىل جاسامايدى», دەپ جازدى اق ءۇي باسشىسى Truth Social الەۋمەتتىك جەلىسىندە.
ەسكە سالا كەتەيىك, بۇعان دەيىن يران مەملەكەتتىك اقپارات قۇرالدارى تەگەراننىڭ اقش-پەن كەلىسسوزدەردى توقتاتقانىن حابارلاعان بولاتىن.
ترامپ جاڭا مالىمدەمە جاسادى: يران يادرولىق قارۋدان باس تارتۋى مۇمكىن
ساراپشىلاردىڭ پىكىرىنشە, يراننىڭ كەلىسسوزدەردەن شىعۋى تاياۋ شىعىستاعى شيەلەنىستى ودان ءارى كۇشەيتۋى مۇمكىن. ال ترامپ جاريالاعان اتىستى توقتاتۋ تۋرالى كەلىسىمنىڭ قانشالىقتى ۇزاق ساقتالاتىنى ازىرگە بەلگىسىز.
