فوتو: اشىق دەرەككوز
Halyqstan ارناسىنىڭ مالىمەتىنشە, بلوگەر الماتىداعى پلاستيكالىق حيرۋرگيا كلينيكالارىنىڭ بىرىندە كوز جۇمعان بولۋى مۇمكىن. الدىن الا اقپارات بويىنشا, ايەلدىڭ جاعدايى وپەراتسيا باستالماي تۇرىپ ناشارلاعان. وقيعادان كەيىن كلينيكا ۋاقىتشا جابىلعانى دا ايتىلدى. سونىمەن قاتار 2GIS پلاتفورماسىندا قولدانۋشىلار ابدومينوپلاستيكا كەزىندە ايەلدىڭ قايتىس بولعانى تۋرالى پىكىرلەر قالدىرعان. بىراق بۇل اقپارات ازىرگە رەسمي تۇردە راستالمادى.
كەيىنىرەك Threads جەلىسىندە مارقۇمنىڭ قىزى جازبا جاريالادى. ونىڭ ايتۋىنشا, 53 جاستاعى ساۋلە ەرماحانوۆا 15 مامىر كۇنى الماتىداعى جەكە كلينيكادا ليپوساكتسيا جاساۋ كەزىندە, جەرگىلىكتى انەستەزيامەن جاسالعان جوسپارلى وپەراتسيا بارىسىندا قايتىس بولعان.
قىزىنىڭ سوزىنشە, دارىگەرلەر وتا ەڭ كوبى ءبىر جارىم ساعاتقا سوزىلادى دەپ سەندىرگەن. الايدا بىرنەشە ساعات بويى تۋىستارىنا ەشقانداي اقپارات بەرىلمەگەن.
ء«بىر ساعات ءوتتى. ەكى ساعات ءوتتى. ءۇش ساعات ءوتتى. بىراق ەشكىم ناقتى جاۋاپ بەرمەدى. انامنىڭ ومىردەن وتكەنىن جانىندا جۇرگەن تۋىسىمىزعا تەك كەشكى التى شاماسىندا ايتقان», دەپ جازدى ول.
مارقۇمنىڭ جاقىندارى جەدەل جاردەمنىڭ نە سەبەپتى كەش شاقىرىلعانىن جانە ايەلدى امان الىپ قالۋ ءۇشىن قانداي ارەكەتتەر جاسالعانىن انىقتاۋدى تالاپ ەتىپ وتىر. ولاردىڭ ايتۋىنشا, قايعىلى جاعدايعا قاراماستان, كلينيكا جۇمىسىن توقتاتپاعان.
«انامىزدىڭ ولىمىنە قاتىستى بارلىق ءمان-جاي تولىق انىقتالعانعا دەيىن كلينيكانىڭ قىزمەتى توقتاتىلۋى كەرەك. ءبىز ءادىل تەرگەۋ جۇرگىزۋدى تالاپ ەتەمىز», دەدى قىزى.
ايتا كەتەيىك, بۇعان دەيىن ەلورداداعى ستوماتولوگيالىق كلينيكالاردىڭ بىرىندە ەم قابىلداپ جاتقان 20 جاستاعى قالا تۇرعىنى قايتىس بولدى.
