جوبا اتىراۋ وبلىسى مادەنيەت, تىلدەردى دامىتۋ جانە ارحيۆ ءىسى باسقارماسىنىڭ قولداۋىمەن «التىن تۇعىر» قوعامدىق قورى تاراپىنان ۇيىمداستىرىلىپ وتىر.
ءمۇشايرانىڭ نەگىزگى ماقساتى – قوعامدا ادالدىق, ادىلدىك, مەملەكەتشىلدىك جانە پاراساتتىلىق قۇندىلىقتارىن ناسيحاتتاۋ, سونداي-اق سىبايلاس جەمقورلىققا قارسى مادەنيەتتى قالىپتاستىرۋعا ىقپال ەتۋ.
ۇيىمداستىرۋشىلاردىڭ مالىمەتىنشە, بايقاۋعا قازاقستاننىڭ بارلىق وڭىرىنەن 18 بەن 45 جاس ارالىعىنداعى جازبا اقىندار قاتىسا الادى. قاتىسۋشىلار شىعارمالارىن ەلەكتروندى پوشتا ارقىلى جولدايدى. ءمۇشايرا جابىق فورماتتا وتەتىندىكتەن, ولەڭدەر بۇركەمە اتپەن قابىلدانىپ, ساراپشىلار القاسىنا اۆتوردىڭ اتى-ءجونى كورسەتىلمەي ۇسىنىلادى.
بايقاۋعا ۇسىنىلاتىن شىعارمالاردا ادالدىق, ادىلدىك, مەملەكەت مۇددەسىنە ادال قىزمەت ەتۋ, ازاماتتىق جاۋاپكەرشىلىك, ار-وجدان تازالىعى جانە سىبايلاس جەمقورلىققا قارسى كوزقاراس تاقىرىپتارى كوركەمدىك تۇرعىدا اشىلۋى كەرەك.
ء«مۇشايرانىڭ جۇلدە قورى 4 ميلليون 400 مىڭ تەڭگەنى قۇرايدى. باس جۇلدە يەگەرىنە 800 مىڭ تەڭگە تابىستالسا, ءبىرىنشى ورىنعا – 700 مىڭ تەڭگە, ەكىنشى ورىن العان ەكى اقىننىڭ ارقايسىسىنا – 500 مىڭ تەڭگەدەن, ءۇشىنشى ورىن العان ءۇش اقىننىڭ ارقايسىسىنا – 300 مىڭ تەڭگەدەن بەرىلەدى. سونىمەن قاتار بەس ارنايى سىيلىق قاراستىرىلعان. ولەڭدەر مەن وتىنىمدەر 2026 جىلعى 30 ماۋسىمعا دەيىن قابىلدانادى», دەيدى «التىن تۇعىر» قوعامدىق قورىنىڭ ءتورايىمى اراي قاليەۆا.
ايتا كەتەيىك, ءمۇشايرا قورىتىندىسى بويىنشا ۇزدىك شىعارمالار ارنايى پوەزيالىق جيناققا ەنگىزىلىپ, مەملەكەتتىك مەكەمەلەر مەن كىتاپحانالارعا تاراتىلماق.
ايتا كەتەيىك, اباي اتىنداعى مەملەكەتتىك سىيلىققا 32 شىعارما ۇسىنىلدى.
