باتىس تسيكلونى قازاقستان اۋماعىنىڭ باسىم بولىگىندەگى اۋا رايىنا ءالى دە اسەرىن ساقتاپ, تۇراقسىز اۋا رايىن قالىپتاستىرادى. تسيكلوننىڭ ورتالىعى ەلىمىزدىڭ سولتۇستىك-باتىسىندا ورنالاسادى. وسىعان بايلانىستى مۇندا نايزاعاي ويناپ, جاڭبىر جاۋىپ, جەل كۇشەيەدى. سونداي-اق داۋىل تۇرىپ, بۇرشاق جاۋى مۇمكىن.
11-13 ماۋسىم كۇندەرى قوستاناي جانە اقتوبە وبلىستارىندا قاتتى جاڭبىر جاۋادى.
الماتى مەن جەتىسۋ وبلىستارىنىڭ تاۋلى جانە تاۋ بوكتەرىندەگى اۋدانداردا نوسەرلەتەدى.
كۇندىز ەلىمىزدىڭ وڭتۇستىگىندە اۋا تەمپەراتۋراسى +35…+40°س-قا دەيىن, وڭتۇستىك-شىعىسىندا +30…+37°س-قا دەيىن كوتەرىلىپ, اپتاپ ىستىق بولادى.
ەلىمىزدىڭ قالعان اۋماعىندا ايتارلىقتاي وزگەرىستەر بولمايدى. اۋا تەمپەراتۋراسى بىرقالىپتى.
