ساۋد ارابياسى ەلىمىزدىڭ تاياۋ شىعىستاعى نەگىزگى ساۋدا-ەكونوميكالىق سەرىكتەستەرى قاتارىنا كىرەدى. ەكى ەل كوشباسشىلارىنىڭ ءوزارا قولداۋى ناتيجەسىندە سەنىمدى ءارى دوستىق قارىم-قاتىناستار ورناعانى اتاپ ءوتىلدى.
بىلتىر ەكى ەل اراسىنداعى ءوزارا ساۋدا كولەمى 17%-عا ارتىپ, 11,7 ملن دوللاردى قۇرادى. بيىلعى قاڭتار-ءساۋىر ايلارىندا تاۋار اينالىمى 2,9 ەسە ءوسىپ, 6,1 ملن دوللاردان استى. كەيىنگى 20 جىلدا ساۋد ارابياسى كورولدىگىنەن ەلىمىزگە تارتىلعان تىكەلەي شەتەلدىك ينۆەستيتسيا كولەمى 115,3 ملن دوللاردى قۇرادى. بيىلعى اقپان ايىندا قول قويىلعان قازاقستان – ساۋد ارابياسى ۇيلەستىرۋ كەڭەسىن قۇرۋ تۋرالى كەلىسىم جانە ينۆەستيتسيالاردى ءوزارا ىنتالاندىرۋ مەن قورعاۋ تۋرالى كەلىسىم جاڭا بىرلەسكەن باستامالاردى جۇزەگە اسىرۋعا قوسىمشا مۇمكىندىكتەر اشادى.
تاۋ-كەن مەتاللۋرگيا كەشەنىندەگى ىنتىماقتاستىقتى ودان ءارى دامىتۋ ماسەلەلەرىنە, سونداي-اق اسا ماڭىزدى مينەرالدار سالاسىنداعى بىرلەسكەن جوبالاردى جۇزەگە اسىرۋ پەرسپەكتيۆالارىنا نازار اۋدارىلدى. پايدالى قازبالاردى بارلاۋ, ءوندىرۋ مەن وڭدەۋ, سونداي-اق قوسىلعان قۇنى جوعارى وندىرىستەردى دامىتۋ سالاسىنداعى ءوزارا ءىس-قيمىل تالقىلاندى.
كەزدەسۋگە قاتىسۋشىلار تاۋ-كەن مەتاللۋرگيا جانە اسا ماڭىزدى مينەرالدار سالاسىندا ەكىجاقتى ءوزارا ءىس-قيمىلدى ارتتىرۋعا دايىن ەكەنىن راستادى.
