فوتو: 112 kz
يوردانيالىق تانىمال بلوگەر يۋسەف حاتتاب كاسپي تەڭىزى جاعالاۋىندا تجم قۇتقارۋ قىزمەتىنىڭ جۇمىسىمەن تانىسىپ, مامانداردىڭ كاسىبي شەبەرلىگىنە جوعارى باعا بەردى. ول قۇتقارۋشىلاردىڭ كۇندەلىكتى قىزمەتى مەن توتەنشە جاعدايلاردىڭ الدىن الۋ باعىتىنداعى جۇمىستارىنىڭ ماڭىزىن ەرەكشە اتاپ ءوتتى. ساپار بارىسىندا بلوگەر كاسپي تەڭىزىنىڭ تابيعاتىنا ءتانتى بولعانىن جاسىرمادى.
«بۇل مەنىڭ ومىرىمدە كورگەن ەڭ ادەمى تەڭىزدەردىڭ ءبىرى. مۇندا وتە ادەمى, ال اينالامىزداعى ادامدار كەرەمەت. مەنى جاقسى قارسى الدى, كوپ راحمەت!», دەدى ول.
يۋسەف حاتتاب دەمالۋشىلارعا قاۋىپسىزدىك ەرەجەلەرىن قاتاڭ ساقتاۋعا كەڭەس بەردى. ونىڭ ايتۋىنشا, تەك قۇتقارۋشىلار كەزەكشىلىك ەتەتىن ارنايى ايماقتاردا عانا شومىلۋ قاجەت.
سونداي-اق ول بەلگىلەنگەن اۋماقتان شىقپاۋعا, تىيىم سالىنعان جەرلەرگە كىرمەۋگە جانە قاۋىپسىزدىك تالاپتارىن بۇزباۋعا شاقىردى.
«قۇتقارۋشىلار تاۋلىك بويى, اپتاسىنا 7 كۇن قىزمەت ەتەدى جانە ءاردايىم كومەك كورسەتۋگە دايىن», دەدى بلوگەر.
ول قازاقستانعا كەلۋشىلەردى تابيعاتتى تاماشالاۋمەن قاتار قاۋىپسىزدىك ەرەجەلەرىن ساقتاۋعا ۇندەدى.
ترەۆەل-بلوگەر داستان مۇحامەدراحيم الەمدىك WIBA Awards سىيلىعىنا يە بولدى
