فوتو: قازاقستان شاحمات فەدەراتسياسى
تۋريزم جانە سپورت ۆيتسە-ءمينيسترى سەرىك جاراسباەۆ ءبيبىسارا اساۋباەۆاعا بولىنەتىن قارجى جىل سايىن ارتىپ وتىرعانىن اتاپ ءوتتى.
«ەگەر تەك سپورت جانە ءتۋريزمدى قولداۋ قورى ارقىلى قاراساق, 2024 جىلى حالىقارالىق جارىستارعا دايىندىققا 64 ملن تەڭگە ءبولىندى. 2025 جىلى بۇل سوما 79 ملن تەڭگەگە جەتتى, ال 2026 جىلى 100 ملن تەڭگە بولدى. ياعني قارجىلاندىرۋدا ءوسىم بار», دەدى ول.
ميحايل شايدوروۆقا قاتىستى جاعداي: ۆيتسە-مينيستر مالىمدەمە جاسادى
سونداي-اق ۆيتسە-مينيستر قازاقستان شاحمات فەدەراتسياسى دا قوسىمشا قولداۋ كورسەتىپ وتىرعانىن اتاپ ءوتىپ, سپورتشىنىڭ مەملەكەت تاراپىنان تولەمدەردىڭ ازايۋىنا قاتىستى شاعىمىنا دا جاۋاپ بەرىلدى.
«2023-2024 جىلدارى ول سپورتتى دامىتۋ ديرەكتسياسى ارقىلى شاحماتشى شامامەن 1 ملن تەڭگە كولەمىندە جالاقى الىپ كەلدى. 2025 جىلى قابىلدانعان زاڭعا سايكەس باسىم سپورت تۇرلەرى بەكىتىلدى. شاحمات بۇل تىزىمگە كىرمەدى, سەبەبى ول وليمپيادالىق كەشەندى سپورت تۇرلەرىنە جاتپايدى», دەدى سەرىك جاراسباەۆ.
بۇعان دەيىن پرەزيدەنت جارلىعىمەن ءبيبىسارا اساۋباەۆاعا II دارەجەلى «بارىس» وردەنى بەرىلگەن بولاتىن. الايدا ماراپات ءالى تابىستالماعان. مينيسترلىك وكىلىنىڭ ايتۋىنشا, بۇل ماسەلە سپورتشىنىڭ تىعىز جارىس كەستەسىنە بايلانىستى كەيىنگە شەگەرىلگەن. سەرىك جاراسباەۆ وردەندى تابىستاۋ ءراسىمى سپورتشى كەستەسىنە قاراي بەلگىلەنەتىنىن جەتكىزدى.
ءبيبىسارا اساۋباەۆا Norway Chess ءتۋرنيرىنىڭ جەڭىمپازى اتاندى
ەسكە سالا كەتەيىك, بۇعان دەيىن حالىقارالىق گروسسمەيستەر ءبيبىسارا اساۋباەۆا جالاقىسىنىڭ 3 ەسەگە قىسقارىپ, جارىستاردىڭ شىعىنىن ءوز قاراجاتى ەسەبىنەن تولەگەنىن ايتىپ پرەزيدەنتكە ۇندەۋ جولداعان بولاتىن. سونداي-اق ول II دارەجەلى «بارىس» وردەنىن الۋعا ءتيىس بولسا دا, ماراپاتتاۋ ءراسىمىنىڭ بىرنەشە رەت كەيىنگە شەگەرىلۋىنە بايلانىستى ونى ءالى الا الماعانىن مالىمدەدى.
