فوتو: الەۋمەتتىك جەلىدەن
ايەلدىڭ سابيىمەن بىرگە تۇسكەن سۋرەتىن Threads جەلىسىندە بلوگەر ساشا Wu’style جاريالاعان. ونىڭ ايتۋىنشا, ول ايەلدى الماتىداعى برۋسيلوۆسكي كوشەسىندە كەزدەستىرگەن.
بلوگەردىڭ جازۋىنشا, جاس انانىڭ جاعدايى وعان ەرەكشە اسەر قالدىرعان. سوندىقتان ول سۋرەتتى الەۋمەتتىك جەلىگە جاريالاپ, كوپشىلىكتىڭ نازارىن اۋدارۋدى ءجون كورگەن. جاريالانىم قىسقا ۋاقىت ىشىندە كەڭ تارالىپ, جۇزدەگەن ادام ايەلگە كومەكتەسۋگە دايىن ەكەنىن بىلدىرگەن.
پىكىر قالدىرۋشىلاردىڭ ءبىرى ايەلگە اليمەنت وندىرۋگە تەگىن زاڭ كومەگىن كورسەتۋگە دايىن ەكەنىن ايتسا, ەندى ءبىرى نارەستەگە ارنالعان اربا مەن قاجەتتى زاتتاردى الىپ بەرۋ ءۇشىن قارجى جيناۋدى ۇسىنعان.
الايدا كوپ ۇزاماي جەلى قولدانۋشىلارى الاياقتاردىڭ پايدا بولعانىن حابارلادى. ولاردىڭ مالىمەتىنشە, كەيبىر بەلگىسىز ادامدار ايەلدىڭ اتىنان جالعان اككاۋنتتار اشىپ, قارجى سۇراي باستاعان. ءتىپتى سەنىمدى كورىنۋ ءۇشىن جاساندى ينتەللەكت كومەگىمەن دايىندالعان سۋرەتتەر قولدانعان.
وسىعان بايلانىستى جەلى قولدانۋشىلارى تۇرعىنداردى ساق بولۋعا شاقىرىپ, ايەلدىڭ جەكە باسى رەسمي تۇردە انىقتالمايىنشا ەشقانداي قارجى اۋدارماۋعا كەڭەس بەردى.
الاياقتاردىڭ ايلاسى وزگەردى: ەندى اقشانى «كۋرەر» بولىپ الىپ كەتەدى
قوعامدا ۇلكەن رەزونانس تۋدىرعان وقيعاعا قاراماستان, ازىرگە سۋرەتتەگى ايەلدىڭ كىم ەكەنى جانە ونىڭ ناقتى جاعدايى انىقتالعان جوق.
