ت. سۇلەيمەنوۆتىڭ ايتۋىنشا, جۇمىسقا قابىلەتتى ازاماتتار زەينەت جاسىنا دەيىن قاراجات جيناپ, كەيىن سول قاراجات ەسەبىنەن تۇراقتى تابىس الۋعا ءتيىس. سوندىقتان زەينەتاقى جۇيەسى ادامداردىڭ بولاشاقتاعى الەۋمەتتىك قورعالۋىن قامتاماسىز ەتۋ ءۇشىن قۇرىلعان.
ول سونداي-اق زەينەتاقى شوتىن ەركىن پايدالانۋعا بولاتىن دەپوزيت رەتىندە قابىلداۋعا بولمايتىنىن ايتتى. ونىڭ پىكىرىنشە, بۇل جۇيە ازاماتتاردىڭ بولاشاق زەينەتاقىسىن قالىپتاستىرۋ مەن قورعاۋعا ارنالعان ماڭىزدى قۇرال بولىپ سانالادى.
ساراپشى: زەينەتاقى اقشاسى پاتەر الۋعا نەمەسە جوندەۋ جاساۋعا ارنالماعان
ۇلتتىق بانك باسشىسى 2021 جىلى ەل ازاماتتارىنا بەلگىلى ءبىر شارتتارمەن زەينەتاقى جيناعىنىڭ ءبىر بولىگىن مەرزىمىنەن بۇرىن پايدالانۋعا رۇقسات بەرىلگەنىن ەسكە سالدى. مۇنداي شەشىم پاندەميادان كەيىن حالىقتى قولداۋ جانە تۇرعىن ءۇي جاعدايىن جاقسارتۋعا مۇمكىندىك بەرۋ ماقساتىندا قابىلدانعان.
ايتا كەتەيىك, 2 ماۋسىمدا ۇكىمەت زەينەتاقى جيناقتارىنىڭ ەڭ تومەنگى جەتكىلىكتىلىك شەگىن انىقتاۋدىڭ جاڭا ادىستەمەسىن بەكىتتى. جاڭارتىلعان ەسەپتەۋ ءتاسىلى ازاماتتاردىڭ بولاشاقتا الاتىن ماقساتتى زەينەتاقى كولەمى مەن ينۆەستيتسيالىق تابىستى ەسكەرەدى.
ەڭبەك مينيسترلىگى: جەتكىلىكتىلىك شەكتەرىن كوتەرۋ بولاشاق زەينەتاقىنى قورعاۋعا باعىتتالعان
