فوتو: ult.kz
1. بيلەتسىز جول ءجۇرۋ
جولاۋشىلارعا بيلەتسىز پويىزعا مىنۋگە تىيىم سالىنادى. جولسەرىك كەز كەلگەن ۋاقىتتا بيلەتتى تالاپ ەتۋگە قۇقىلى. بيلەت بولماعان جاعدايدا جولاۋشى جاقىن ماڭداعى ستانتسيادا پويىزدان تۇسىرىلەدى.
2. بالالاردى راستايتىن قۇجاتتارسىز تاسىمالداۋ
بالانى جەكە باسىن كۋالاندىراتىن نەمەسە اتا-اناسىنىڭ راستايتىن قۇجاتتارىنسىز تاسىمالداۋعا رۇقسات ەتىلمەيدى. قاجەتتى قۇجاتتار بولماعان جاعدايدا جولاۋشىلار پويىزعا مىنبەيدى.
3. رەسىمدەلمەگەن باگاجدى الدىن الا تولەمسىز الىپ ءجۇرۋ
بەلگىلەنگەن نورمالاردان اساتىن باگاجدى ء(بىر جولاۋشىعا 35 كگ-نان استام) الدىن الا تولەمسىز جانە رەسىمدەلگەن قۇجاتسىز تاسىمالداۋعا تىيىم سالىنادى.
4. جانۋارلاردى ءتيىستى قۇجاتتارسىز تاسىمالداۋ
جانۋارلاردى ۆەتەرينارلىق قۇجاتتارسىز تاسىمالداۋعا قاتاڭ تىيىم سالىنادى. قاجەتتى قۇجاتتار بولماعان جاعدايدا جولاۋشى پويىزعا وتىرعىزىلمايدى.
5. پويىزدا تەمەكى شەگۋگە تىيىم سالىنادى
پويىزداردا تەمەكى شەگۋگە قاتاڭ تىيىم سالىنادى, ونىڭ ىشىندە كادىمگى تەمەكى مەن ەلەكتروندى تەمەكى شەگۋگە ارنالعان قۇرىلعىلار بار.
6. ستوپ-كراندى قاجەتى بولماسا پايدالانۋعا تىيىم سالىنادى
ستوپ-كرانىن نەگىزسىز پايدالانۋعا قاتاڭ تىيىم سالىنادى. بۇل پويىزدىڭ ءجۇرۋ كەستەسىن بۇزۋى, باسقا جولاۋشىلارعا قولايسىزدىق تۋدىرۋى جانە اكىمشىلىك جاۋاپكەرشىلىككە اكەلۋى مۇمكىن.
7. تىيىم سالىنعان زاتتاردى تاسىمالداۋ
ەسىرتكى, جارىلعىش نەمەسە وتكىر زاتتاردى تاسىمالداۋعا قاتاڭ تىيىم سالىنادى. مۇنداي بۇزۋشىلىقتار انىقتالعان جاعدايدا جولاۋشىلار قۇقىق قورعاۋ ورگاندارىنا تاپسىرىلادى.
8. اگرەسسيا كورىنىسى نەمەسە جانجال جاعدايلارىن تۋدىرۋ
فيزيكالىق نەمەسە پسيحولوگيالىق زورلىق-زومبىلىقتىڭ كەز-كەلگەن تۇرىنە, سونىڭ ىشىندە اۋىزشا قورلاۋعا قاتاڭ تىيىم سالىنادى. بۇل ەرەجەنى بۇزۋ جولاۋشىنى جاقىن ماڭداعى ستانتسيادا پويىزدان شىعارۋعا اكەلۋى مۇمكىن.
9. توقتاماعان پويىزدان ءتۇسىپ قالۋ
مۇنداي ارەكەتتەر ءومىر مەن دەنساۋلىققا وتە قاۋىپتى جانە ەرەجەلەردى بۇزۋ رەتىندە ەسەپتەلەدى. پويىزدان تەك ستانتسيالاردا جانە وعان ارنالعان ەسىكتەر ارقىلى ءتۇسۋ قاجەت.
10. ۆاگوندى شاشىپ تاستاپ كەتۋ نەمەسە م ۇلىكتىڭ بۇزىلۋى
ۆانداليزمگە, ۆاگونداردىڭ لاستانۋىنا جانە «جولاۋشىلار تاسىمالى» اق (قتج ەنشىلەس ۇيىمى) مۇلكىنىڭ بۇلدىرۋگە قاتاڭ تىيىم سالىنادى. مۇنداي ارەكەت جاساعان جولاۋشى مارشرۋتتان ءتۇسىرىلۋى مۇمكىن. قتج بۇل تالاپتار جولاۋشىلاردى, باگاجدى جانە جۇك-باگاجدى تەمىرجول كولىگىمەن تاسىمالداۋ ەرەجەلەرىنە سايكەس بەلگىلەنگەنىن اتاپ وتكەن. مەرەكە كۇندەرى, ازىرگە بارلىق باعىت بويىنشا پويىز كەستەلەرىنە وزگەرىس ەنگىزىلمەگەن.
