فوتو: istockphoto.com
ءمينيستردىڭ ايتۋىنشا, قولدانىستاعى وقۋلىقتاردان 700-دەن استام ءتۇرلى سيپاتتاعى قاتەلەر مەن ەسكەرتپەلەر انىقتالعان. انىقتالعان كەمشىلىكتەر قاتارىندا تەحنيكالىق جانە ستيلدىك قاتەلەر, دەرەكتىك دالسىزدىكتەر, مازمۇنعا سايكەس كەلمەيتىن يلليۋستراتسيالار, وقۋ باعدارلاماسىنا ۇيلەسپەيتىن ماتەريالدار, سونداي-اق ەسكىرگەن ءادىس-تاسىلدەر مەن تۇجىرىمدامالار بار.
بۇدان بولەك, ۇلتتىق مازمۇنعا بەيىمدەلمەگەن ماتەريالداردىڭ پايدالانىلۋى, ماتەماتيكا پانىندەگى قاتە انىقتامالار مەن تاريحي وقيعالارعا قاتىستى جاڭساق پىكىرلەر مامانداردىڭ الاڭداۋشىلىعىن تۋدىرعان.
ءمينيستردىڭ مالىمەتىنشە, كەيبىر وقۋلىقتار بەلگىلەنگەن مەرزىمدە جاڭارتىلماي, توعىز جىلعا دەيىن مازمۇندىق وزگەرىسسىز قولدانىلعان.
«وسىعان بايلانىستى وقۋ-اعارتۋ مينيسترلىگى وقۋلىقتاردى كەزەڭ-كەزەڭىمەن جاڭارتۋدى جوسپارلاپ وتىر. جوسپارعا سايكەس, 2026 جىلعى 30 تامىزعا دەيىن 3 جانە 7-سىنىپتاردىڭ, 2027 جىلعى 1 قاڭتارعا دەيىن 4 جانە 9-سىنىپتاردىڭ, ال 2027 جىلعى 1 ساۋىرگە دەيىن 8-سىنىپتىڭ وقۋلىقتارى جاڭارتىلادى», دەدى ايدا بالاەۆا.
ەسكە سالا كەتەيىك, بۇعان دەيىن وقۋ-اعارتۋ ءمينيسترى جۇلدىز سۇلەيمەنوۆا ەلىمىزدە مەكتەپ وقۋلىقتارىن جاڭارتۋ جۇمىسى جۇيەلى تۇردە جالعاساتىنىن ايتقان بولاتىن.
