ماجىلىستە ۇكىمەتتىڭ 2025 جىلعى رەسپۋبليكالىق بيۋدجەتتىڭ ورىندالۋى تۋرالى ەسەبىن تالقىلاۋ بارىسىندا دەپۋتات قاراقات ابدەن جولاۋشىلار ۆاگوندارى پاركىن جاڭارتۋعا وتكەن جىلى 65,5 ملرد تەڭگە ءبولىنىپ, تولىق يگەرىلگەنىنە نازار اۋداردى.
باستاپقى جوسپار بويىنشا 2025 جىلدىڭ سوڭىنا دەيىن پايدالانۋعا بەرىلۋگە ءتيىس 68 ۆاگون ساتىپ الىنۋى كەرەك ەدى. كەيىن بۇل كورسەتكىش 51 ۆاگونعا دەيىن قىسقارىپ, جەتكىزۋ مەرزىمى كەيىنگە شەگەرىلگەن.
قازاقستاندا ءار پويىزعا ەرەكشە قاجەتتىلىگى بار جاندارعا ارنالعان ۆاگون قوسىلادى
ايدار رىسقۇلوۆتىڭ ايتۋىنشا, العاشقى پارتياداعى ۆاگوندار تەحنيكالىق تالاپتارعا تولىق سايكەس كەلمەگەندىكتەن قابىلدانباعان. اتاپ ايتقاندا, تەجەۋ جۇيەسىنە قاتىستى بىرقاتار وزگەرىس ەنگىزۋ قاجەتتىلىگى انىقتالعان.
قازىرگى ۋاقىتتا Stadler كومپانياسى انىقتالعان كەمشىلىكتەردى ءوز قاراجاتى ەسەبىنەن تۇزەتىپ جاتىر. سوندىقتان ۆاگونداردى جەتكىزۋ مەرزىمى بارلىق تەحنيكالىق سايكەسسىزدىكتەردىڭ جويىلۋىنا بايلانىستى بولماق.
ەگەر قاجەتتى جۇمىستار ۋاقىتىندا اياقتالسا, العاشقى ۆاگوندار قازاقستانعا وسى جىلدىڭ ەكىنشى توقسانىندا جەتكىزىلەدى.
ەسكە سالساق, 2022 جىلى «قازاقستان تەمىر جولى» ۇلتتىق كومپانياسى مەن Stadler اراسىندا ۇزاق مەرزىمدى كەلىسىمشارت جاسالىپ, وعان سايكەس ەلىمىزدىڭ جولاۋشىلار ۆاگوندارى پاركىن 2030 جىلعا دەيىن كەزەڭ-كەزەڭىمەن جاڭارتۋ جوسپارلانعان.
قازاقستاندا ايەلدەرگە ارنالعان ۆاگوندار قاي باعىتتاردا قاتىنايدى؟
سونداي-اق جاڭا ۆاگونداردا ينتەرنەت جەلىسىنە قوسىلۋ مۇمكىندىگى قاراستىرىلعان. ينتەرنەت قىزمەتى ۆاگوندار باعىتتارعا شىعارىلعاننان كەيىن كەزەڭ-كەزەڭىمەن ەنگىزىلەدى.
