فوتو: Shutterstoc
جابىرلەنۋشى سوتتالۋشىعا بىرنەشە رەت وزىن مازالاماۋدى ەسكەرتكەن. سوتتالۋشى ونىڭ تالاپتارىن ەلەمەي, الەۋمەتتىك جەلىدەگى پاراقشالارى ارقىلى ۇزدىكسىز حابارلامالار جولداپ, جۇمىس ورنى مەن تۇرعىلىقتى مەكەنجايىنا بارىپ, جۇيەلى تۇردە اڭدىپ, بايلانىس ورناتۋ ماقساتىندا پسيحولوگيالىق قىسىم كورسەتكەن.
جابىرلەنۋشىنىڭ ارىزى نەگىزىندە قۇقىق قورعاۋ ورگاندارى ءتيىستى شارالار قابىلداپ, ستالكەرگە سوت ۇكىمىمەن 100 ساعاتقا قوعامدىق جۇمىسقا تارتۋ تۇرىندەگى جازا تاعايىندالدى.
بۇدان بولەك وبلىس اۋماعىندا ستالكينگ جاساعان تاعى 2 ازاماتتى سوت كىنالى دەپ تانىپ,
ارقايسىسىنا وسى مازمۇندا جازا تاعايىندادى.
الماتىدا بۇرىنعى جۇبايىنىڭ ىزىنە تۇسكەن ستالكەرگە ۇكىم شىقتى
ايتا كەتەيىك, 2025 جىلعى 16 شىلدەدەن باستاپ قىلمىستىق كودەكسكە 115-1-باپ ەنگىزىلىپ, ستالكينگ ءۇشىن قىلمىستىق جاۋاپكەرشىلىك بەلگىلەندى.
اتالعان باپقا سايكەس ادامدى جۇيەلى تۇردە قۋدالاۋ, ۇزدىكسىز قوڭىراۋ شالۋ, اڭدۋ جانە ازاماتتاردىڭ جەكە ومىرىنە قول سۇعىلماۋشىلىق قۇقىعىن بۇزاتىن وزگە دە ارەكەتتەر قىلمىستىق قۇقىق بۇزۋشىلىق بولىپ سانالادى.
تەرەزەدەن سىعالاپ, مازاسىن العان: اتىراۋ وبلىسىندا ستالكينگ تۋرالى جاڭا باپ نەگىزىندە ۇكىم شىقتى
وسى قۇقىق بۇزۋشىلىق ءۇشىن زاڭنامادا ەكى ءجۇز ايلىق ەسەپتىك كورسەتكىشكە دەيىن ايىپپۇل سالۋ, ەكى ءجۇز ساعاتقا دەيىن قوعامدىق جۇمىستار نەمەسە ەلۋ تاۋلىككە دەيىن قاماۋ تۇرىندەگى جازا كوزدەلگەن.
