ورتالىق سايلاۋ كوميسسياسى رەسپۋبليكالىق رەفەرەندۋمداعى داۋىس بەرۋدىڭ الدىن الا ناتيجەلەرىن جاريالادى. داۋىس بەرۋگە قاتىسقان ازاماتتاردىڭ سانى رەفەرەندۋمعا قاتىسۋعا قۇقىعى بار ازاماتتاردىڭ جالپى سانىنىڭ 73,12 %-ىن قۇرادى. رەفەرەندۋمعا شىعارىلعان ماسەلە بويىنشا وڭ شەشىمدى قولداپ داۋىس بەرگەن ازاماتتاردىڭ سانى 87,15 %-دى قۇرادى.
«جاڭا كونستيتۋتسيانىڭ قابىلدانۋى ۆولونتەرلىكتى دامىتۋعا جانە ۆولونتەرلىك قوزعالىستى نىعايتۋعا كەڭ مۇمكىندىكتەر اشادى. بۇگىندە ۆولونتەرلەر الەۋمەتتىك, ەكولوگيالىق جانە گۋمانيتارلىق ماسەلەلەردى شەشۋگە ەلەۋلى ۇلەس قوسىپ, ەل بويىنشا مىڭداعان جاناشىر ازاماتتاردى بىرىكتىرىپ وتىر», دەلىنگەن حابارلامادا.
ۇلتتىق ۆولونتەرلىك جەلى ۆولونتەرلىكتى دامىتۋ جانە ۆولونتەرلىك ۇيىمداردى قولداۋ باعىتىنداعى جۇيەلى جۇمىسىن جالعاستىرىپ كەلەدى.
