وقيعا 11 ناۋرىز كۇنى ساعات 17:00 شاماسىندا بولعان. قاتتى جەلدىڭ سالدارىنان 2015 جىلى پايدالانۋعا بەرىلگەن «ايكا» تۇرعىن ءۇي كەشەنىنىڭ قاسبەتىندەگى جىلۋ وقشاۋلاعىش قاباتى قاپتالعان بەتتەن ءبولىنىپ كەتكەن. وقيعا سالدارىنان ەشكىم زارداپ شەككەن جوق.
«تۇرعىن ءۇي كەشەنىنىڭ باسقارۋشى كومپانياسى جۇمىستاردى جۇرگىزۋ ءۇشىن ونەركاسىپتىك الپينيست جالداۋ ماسەلەسىن قاراستىرىپ, قاسبەتتى قالپىنا كەلتىرۋ جۇمىستارىنىڭ قۇنىن ەسەپتەپ جاتىر», دەپ جازدى استانا قالاسىنىڭ تۇرعىن ءۇي ينسپەكتسياسىنى.
اكىمدىكتە اتاپ وتكەندەي, قازاقستان رەسپۋبليكاسىنىڭ «تۇرعىن ءۇي قاتىناستارى تۋرالى» زاڭىنىڭ 34-بابىنا سايكەس كوپقاباتتى ءۇيدىڭ قاسبەتىن كۇتىپ ۇستاۋ پاتەر يەلەرىنىڭ مىندەتى بولىپ تابىلادى.
ايتا كەتەيىك, 2025 جىلدىڭ قاراشا ايىندا تاۋەلسىزدىك داڭعىلى بويىنداعى كوپقاباتتى تۇرعىن ءۇيدىڭ قاسبەتىندەگى سىرتقى قاپتاما قۇلاپ ءتۇستى. كىرپىشتەر ءبىرىنشى قاباتتاعى دۇكەننىڭ كىرەبەرىسىن باسىپ قالدى, سونداي-اق جوعارىدان كونديتسيونەر دە قۇلاعان.
وقيعا سالدارىنان بەس ادام زارداپ شەكتى, ولاردىڭ ىشىندە وقيعا ورنىنا كەلگەن ەكى فەلدشەر دە بار. ولاردىڭ بىرىنە جابىق باس-مي جاراقاتى دياگنوزى قويىلدى. دارىگەرلەر باس سۇيەگىندەگى گەماتومانى الىپ تاستاپ, قان كەتۋدى توقتاتقانىمەن, مەديتسينا قىزمەتكەرىن امان ساقتاپ قالۋ مۇمكىن بولمادى.
