فوتو: Vietjet Qazaqstan ءباسپاسوز قىزمەتى
VIETJET QAZAQSTAN باسقارما توراعاسى ادىلبەك ۋمراليەۆ اۋەكومپانيانىڭ جاڭا SkyBoss سەرۆيسىن تانىستىردى. بۇل قىزمەت اۋە كەمەسىنىڭ الدىڭعى قاتارىنداعى جايلى ورىنداردى, بورتتاعى تاماقتانۋدى جانە اۋەجايلارداعى لاۋنج-ايماقتارعا كىرۋ مۇمكىندىگىن قامتيدى. بۇل سەرۆيس جولاۋشىلارعا بيىلعى جىلدىڭ ەكىنشى توقسانىنان باستاپ قولجەتىمدى بولادى. سونىمەن قاتار سەرۆيس يكەمدى برون جاساۋ جانە كەڭەيتىلگەن باگاج وپتسيالارىن ۇسىنادى.
سونداي-اق ءىس-شارادا ەكيپاج مۇشەلەرى اۋەكومپانيانىڭ جاڭا كيىم ۇلگىسىن كورسەتتى.
«اۆياتسيا ءتۇرلى ەلدەر مەن ولاردىڭ مادەنيەتتەرى اراسىنداعى كوپىر ىسپەتتەس. VIETJET QAZAQSTAN برەندىمەن ۇشاتىن اۋە كەمەسى قازاقستان مەن ۆەتنام اراسىنداعى بەرىك دوستىق بايلانىسىنىڭ سيمۆولى», دەدى «QAZAQ AIR» اق (VIETJET QAZAQSTAN) باسقارما توراعاسى ءا. ۋمراليەۆ.
جيىن سوڭىندا VIETJET QAZAQSTAN SkyPayDa مەگاساتىلىمى باستالعانىن جاريالادى. بۇل − بارلىق باعىتتار بويىنشا 30 مىڭ بيلەتكە 50% جەڭىلدىكپەن ساتىپ الۋ مۇمكىندىگىن ۇسىنادى (سۋبسيديالاناتىن رەيستەردەن باسقا). اكتسيا 12 اقپاننىڭ كەشىنەن 15 اقپاننىڭ تۇنىنە دەيىن جارامدى جانە بۇل 2026 جىلى 24 قازانعا دەيىنگى رەيستەرگە قولدانىلادى.
قازاقستان مەن ۆەتنام ءوزارا تاۋار اينالىمىن ەكى ەسە ارتتىرۋعا نيەتتى
ەسكە سالايىق, 2025 جىلعى 6 مامىردا پرەزيدەنت قاسىم-جومارت توقاەۆ پەن ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى تو لامنىڭ قاتىسۋىمەن «QAZAQ AIR» اۋەكومپانياسىن جەكەشەلەندىرۋ جۇمىسى اياقتالدى. سول كۇنى استانادا وتكەن قازاقستان – ۆەتنام بيزنەس-فورۋمىندا «QAZAQ AIR» مەن Vietjet Air اراسىنداعى ستراتەگيالىق ارىپتەستىك بايلانىس ورناتىلىپ, VIETJET QAZAQSTAN برەندى ىسكە قوسىلعان ەدى.
ۆەتنامدىق كومپانيا قازاقستاندا ەلەكتر تاكسيدى ىسكە قوسقىسى كەلەدى
