وقۋ-اعارتۋ ءمينيسترى جۇلدىز سۇلەيمەنوۆانىڭ قاتىسۋىمەن ءبىلىم بەرۋ سالاسىنىڭ كۇن تارتىبىندەگى وزەكتى ماسەلەلەر بويىنشا جينالىس ءوتتى. جيىندا ءسوز العان مينيستر ءبىلىم بەرۋ ۇيىمدارىنداعى ساپا ماسەلەسىنە توقتالىپ, «ماقساتتى مەكتەپ» جوباسىنىڭ جالعاستىرىلمايتىنىن مالىمدەدى.
ەسكە سالا كەتسەك, «ماقساتتى مەكتەپ» جوباسى پەداگوگتەردىڭ كاسىبي شەبەرلىگىن ارتتىرۋعا, ولاردىڭ زاماناۋي پەداگوگيكالىق ادىستەردى مەڭگەرۋىنە جانە ءبىلىم بەرۋ ساپاسىن جاقسارتۋعا باعىتتالعان. جوبا اياسىندا مۇعالىمدەر ءۇشىن ارنايى ترەنينگ, سەمينار جانە تاجىريبە الماسۋ پلاتفورمالارى ۇيىمداستىرىلدى.
ءبىلىم سالاسىنىڭ قىزمكەتكەرلەرى بۇعان قارسى شىعىپ, مىڭنان اسا ادام قول قويىپ, اشىق حات جولداعان ەدى. حاتتا: «ماقساتتى مەكتەپ» جوباسىنىڭ جۇمىسى ماتەريالدىق-تەحنيكالىق جاراقتاندىرۋدان ەمەس, مۇعالىمدەردى ونلاين وقىتۋدان باستالدى. مۇعالىمدەر تامىز ايىنان بەرى بەس مودۋلدىك ونلاين وقۋدان ءوتتى. ءار مودۋل سايىن كوپتەگەن ونلاين تەست تاپسىردى. تەست سۇراقتارىنىڭ باسىم بولىگى پسيحولوگيالىق, مەتوديكالىق سۇراقتاردان تۇرادى. پانگە ارنالعان سۇراقتاردىڭ ءوزى دە قاتەگە تولى. ەندى زاڭدى ساۋال, مۇعالىمدەر بالا وقىتا ما, الدە ونلاين وقىپ, كۇن سايىن تەست تاپسىرا ما؟», دەلىنگەن.
