ەلورداداعى ۇلتتىق مۋزەيدە «الەمنىڭ ءدىني داستۇرلەرىنىڭ باعا جەتپەس قازىنالارى» اتتى كورمە اشىلدى. ءىس-شارا الەمدىك جانە ءداستۇرلى دىندەر ليدەرلەرىنىڭ VIII سەزى مەن جاس ءدىني ليدەرلەردىڭ II فورۋمى اياسىندا ۇيىمداستىرىلدى. كورمەنىڭ اشىلۋىنا سەزد دەلەگاتتارى, جاس ءدىني ليدەرلەر, سونداي-اق عىلىم مەن ونەر قايراتكەرلەرى قاتىسىپ, ويلارىن ورتاعا سالدى.
العاش ءسوز سويلەگەن مادەنيەت جانە اقپارات مينيسترلىگى ءدىن ىستەرى كوميتەتىنىڭ توراعاسى ءانۋار حاتيەۆ دىندەردىڭ ورتاق تۇسىن اتاپ ءوتتى.
– ادامزاتتىڭ مورالدىق باعدارىن عاسىرلار بويى قالىپتاستىرعان ءدىني داستۇرلەر وسى ەكسپوزيتسيادا قايتا تىرىلگەندەي. مۇنداعى ءاربىر جادىگەر – ايىرماشىلىقتارعا قاراماستان, بارلىق دىندەر ىزگىلىك, دانالىق جانە ادامسۇيگىشتىكتىڭ ورتاق نۇرىن جەتكىزەتىنىن ەسكە سالادى, دەدى ول.
كورمەدە ۇلتتىق مۋزەي مەن بەيبىتشىلىك جانە كەلىسىم مۋزەيىنىڭ قورلارىنان الىنعان قۇندى جادىگەرلەر قويىلىپتى. اتاپ ايتساق, حريستياندىق يكونالار, ايقىشتار, يسلام دىنىنە ءتان قاسيەتتى قۇران, كالليگرافيا ونەرىنىڭ تۋىندىلارى, يندۋيزمدىك قۇداي مۇسىندەرى, شامدار, عۇرىپتىق بۇيىمدار, بۋدديزم ءدىنىنىڭ دۇعا مونشاقتارى, دىبىس شىعاراتىن توستاعاندار كورەرمەندەرگە ۇسىنىلعان.
ءىس-شارادا كونفەسسياارالىق جانە دىنارالىق ديالوگتىڭ حالىقارالىق ورتالىعى باسقارما توراعاسىنىڭ ورىنباسارى باقىتجان ەسبەرگەنوۆ قىسقا دا نۇسقا جادىگەرلەرگە تۇسىنىكتەمە بەرىپ ءوتتى.
– زالدا ۇسىنىلعان ەكسپوناتتار – ادامزاتتىڭ قۇدىرەتكە, ءمان-ماعىناعا, ىشكى ۇيلەسىمگە ۇمتىلىسىنىڭ كۋاسى. قاسيەتتى ماتىندەر, عۇرىپتىق بۇيىمدار, ونەر تۋىندىلارى – مۇنىڭ ءبارى ءار جۇرەككە تۇسىنىكتى تىلدە سويلەيدى, – دەدى ول.
ءدىن مامانىنىڭ سوزىنشە, بۇل شارا – جاھاندىق دەڭگەيدە ءوزارا تۇسىنىستىك, ۇيلەسىم مەن كەلىسىمنىڭ نەگىزىن نىعايتاتىن رۋحاني باستاما بولىپ وتىر.
ايتا كەتەيىك, كورمە 25 قىركۇيەككە دەيىن جالعاسادى.
